Dali, Sunod Kanako

1 Mga Taga-Corinto 15

Unsa nga mga Kadaogan ang Moabot Tungod sa Pagkabanhaw?

Si Apostol Pablo nagtudlo sa mga taga-Corinto kon sama sa unsa ang nabanhaw nga lawas. Ang atong mga lawas “pagabanhawon nga dili na madunot … mahimayaon … [ug] lig-on” (1 Mga Taga-Corinto 15:42–43). Siya usab nagtudlo nga “gilaglag na dayon ang kamatayon diha sa hingpit nga kadaogan” (1 Mga Taga-Corinto 15:54), apan unsa kini nga kadaogan? Ang mosunod nga mga kinutlo makatabang kanato nga makasabot sa mga kadaogan nga makab-ot tungod sa Pagkabanhaw.

Si Jesus nga mikawas gikan sa lubnganan

He Lives [Siya Buhi], ni Simon Dewey

Pagbuntog sa Pisikal nga Kamatayon

“Kay ingon nga nangamatay ang tanang mga tawo tungod sa ilang pagkahiusa kang Adan, banhawon usab ang tanan tungod sa ilang pagkahiusa kang Kristo.”

1 Corinto 15:22

nabanhaw nga mga binuhat

Saints Risen from the Dead at Resurrection of Christ [Mga Santos nga Mibangon gikan sa mga Patay sa Pagkabanhaw ni Kristo], ni Del Parson

Pagkaadunay Hingpit, Imortal nga Lawas

“Ang espiritu ug ang lawas pagahiusahon pag-usab diha sa iyang hingpit nga kahimtang; ang mga bahin sa lawas ug ang mga lutahan mapahiuli sa iyang tukma nga bayanan.”

Alma 11:43

nabanhaw nga mga binuhat nagkahiusa pag-usab

When Waiting Is Over [Sa Dihang ang Paghulat Nahuman Na], ni Lars Justinen, gihatagan og katungod gikan sa GoodSalt.com

Pagkahiusa Pag-usab uban sa mga Minahal sa Kinabuhi

“Ang pagkabanhaw maglakip sa kahigayonan nga makauban ang atong mga sakop sa pamilya. …

“… Matag usa kanato maghilak kon dunay mamatay. … Kinahanglan kitang tanan modayeg sa Dios tungod sa kasegurohan nga pagkabanhaw nga mohimo sa atong mortal nga panagbulag nga temporaryo.”

Presidente Dallin H. Oaks, Unang Magtatambag sa Unang Kapangulohan, “Pagkabanhaw,” Liahona, Julyo 2000, 19.

Panaghisgotan

Kini ba nga mga kamatuoran naghatag kanimo og dugang nga paglaom alang sa umaabot? Unsaon nimo sa pagpakigbahin niini nga mga kamatuoran niadtong tingali nanginahanglan niini?