« ពរជ័យបព្វជិតភាព » លីអាហូណា ខែ មីនា ឆ្នាំ ២០២៣ ។
មូលដ្ឋានគ្រឹះនៃដំណឹងល្អ
ពរជ័យបព្វជិតភាព
ពរជ័យនៃបព្វជិតភាពបានផ្តល់ឲ្យតាមរយៈការបំផុសគំនិតដោយអ្នកកាន់បព្វជិតភាពម៉ិលគីស្សាដែក ។ ពរជ័យនៃបព្វជិតភាពមានដល់បុត្រាបុត្រីរបស់ព្រះទាំងអស់ដើម្បីទទួលព្រះចេស្តារបស់ទ្រ់ង ការព្យាបាល ការលួងលោម និងការដឹកនាំ ។
បព្វជិតភាព
បព្វជិតភាពនេះគឺជាព្រះចេស្តា និងសិទ្ធិអំណាចរបស់ព្រះ ។ បុរសមានភាពស័ក្តិសមដែលកាន់បព្វជិតភាពម៉ិលគីស្សាដែកធ្វើកិច្ចការក្នុងព្រះនាមរបស់ព្រះយេស៊ូវគ្រីស្ទ នៅពេលពួកគេផ្តល់ពរជ័យនៃបព្វជិតភាព ។ នៅពេលពួកគេផ្តល់ពរជ័យទាំងនេះ ពួកគេធ្វើតាមគំរូរបស់ព្រះអង្គសង្រ្គោះនៃការផ្តល់ពរជ័យដល់អ្នកដទៃ ។
ថតរូបដោយដេវីឌ វិនធើរ
របៀបដែលពរជ័យត្រូវបានផ្តល់ឲ្យ
ពរជ័យនៃបព្វជិតភាពផ្តល់ឲ្យដោយការដាក់ដៃលើក្បាល ។ អ្នកកាន់បព្វជិតភាពម៉ិលគីស្សាដែកដាក់ដៃរបស់គាត់នៅលើក្បាលនៃបុគ្គលទទួលពរជ័យនេះ ។ បន្ទាប់មកគាត់ផ្ដល់ការប្រសិទ្ធពរតាមការដឹកនាំពីព្រះវិញ្ញាណ ។ អស់អ្នកដែលផ្តល់ពរជ័យ និងអស់អ្នកដែលទទួលពរជ័យបព្វជិតភាពនេះអនុវត្តសេចក្តីជំនឿលើព្រះ និងទុកចិត្តតាមព្រះទ័យ និងពេលវេលារបស់ទ្រង់ ។
ការដាក់ឈ្មោះ និងការប្រសិទ្ធពរកុមារ
បន្ទាប់ពីក្មេងកើតមក អ្នកកាន់បព្វជិតភាពផ្តល់ឈ្មោះឲ្យពួកគេ និងការប្រសិទ្ធពរមួយ ( សូមមើល គោលលទ្ធិ និង សេចក្តីសញ្ញា ២០:៧០ ) ។ ការណ៍នេះជាធម្មតាកើតឡើងនៅ ការប្រជុំការតមអាហារ និងថ្លែងទីបន្ទាល់ ។ ដំបូងក្មេងត្រូវបានគេដាក់ឈ្មោះឲ្យ ។ បន្ទាប់មកអ្នកកាន់បព្វជិតភាពផ្តល់ការប្រសិទ្ធពរមួយដល់ក្មេងនោះ ។
ការប្រសិទ្ធពរដល់អ្នកដែលឈឺ
អ្នកកាន់បព្វជិតភាពម៉ិលគីស្សាដែកអាចផ្តល់ពរជ័យទាំងឡាយដល់អ្នកដែលឈឺបាន ។ ពរជ័យបែបនេះមានពីរផ្នែក ៖ ការលាបប្រេង ដោយប្រេង និងផ្សារភ្ជាប់ប្រេងតាំង ។ ដំបូង អ្នកកាន់បព្វជិតភាពបន្តក់ប្រេងមួយដំណក់ដែលបានញែកចេញ ឬប្រសិទ្ធពរនៅលើក្បាលរបស់បុគ្គលនោះ និងផ្តល់ការអធិស្ឋានខ្លីមួយ ។ បន្ទាប់មកអ្នកកាន់បព្វជិតភាពផ្សេងទៀតផ្សារភ្ជាប់ការលាបប្រេង និងផ្តល់ពរជ័យដល់បុគ្គលនេះនូវពរជ័យតាមការដឹកនាំដោយព្រះវិញ្ញាណបរិសុទ្ធ ។
ការប្រសិទ្ធពរនៃការលួងលោម និងការប្រឹក្សា
អ្នកកាន់បព្វជិតភាពម៉ិលគីស្សាដែកអាចផ្តល់ពរជ័យនៃការលួងលោមចិត្ត និងការប្រឹក្សាដល់សមាជិកគ្រួសារ និងមនុស្សដទៃទៀតដែលបានស្នើសុំពរជ័យទាំងនោះ ។ ឪពុកដែលកាន់បព្វជិតភាពម៉ិលគីស្សាដែកអាចផ្តល់ពរជ័យរបស់ឪពុកដល់កូនៗរបស់គាត់បាន ។ ការណ៍ទាំងនេះអាចមានប្រយោជន៍ជាពិសេសនៅពេលក្មេងៗប្រឈមមុខនឹងការប្រឈមពិសេសៗនានា ។
ការធ្វើពិធីញែកចេញសមាជិកឲ្យបម្រើនៅក្នុងការហៅបម្រើ
នៅពេលសមាជិកសាសនាចក្រទទួលការហៅនានា ពួកគេទទួលបានការប្រសិទ្ធពរនៅពេលពួកគេបានទទួលការញែកចេញដើម្បីបម្រើ ។ អ្នកកាន់បព្វជិតភាពប្រសិទ្ធពរដល់ពួកគេដោយសិទ្ធិអំណាចបព្វជិតភាពដើម្បីធ្វើការហៅនោះ ។ អ្នកកាន់បព្វជិតភាពក៏ផ្តល់ឲ្យពួកគេនូវការប្រសិទ្ធពរដើម្បីជួយពួកគេនៅក្នុងការបម្រើរបស់ពួកគេផងដែរ ។
ថតរូបដោយ ស៊នណា ស្ទីហ្វីនសុន
ពររបស់លោកអយ្យកោ
សមាជិកសាសនាចក្រដែលមានភាពស័ក្តិសមគ្រប់រូបអាចទទួលពររបស់លោកអយ្យកោបាន ។ ពរជ័យនេះផ្តល់ការប្រឹក្សាផ្ទាល់ខ្លួនមកពីព្រះអម្ចាស់ ។ វាអាចផ្តល់ការដឹកនាំ និងការលួងលោមក្នុងជីវិតរបស់បុគ្គលនោះ ។ វាក៏ប្រាប់ពីពូជអំបូររបស់បុគ្គលនេះនៅក្នុងវង្សរបស់អ៊ីស្រាអែលផងដែរ ។ មានតែលោកអយ្យកោ ដែលបានតែងតាំង ប៉ុណ្ណោះ ទើបអាចផ្តល់ពរជ័យបែបនេះបាន ។