ព័ត៌មានក្នុងស្រុក
អែលឌើរ និងស៊ីស្ទើរ អាន់ឌើរសិន លើកទឹកចិត្តពួកបរិសុទ្ធដែលនិយាយភាសាបារាំងឲ្យជឿលើព្រះគ្រីស្ទ
នេះគឺជាការប្រជុំធម្មនិដ្ឋានតំបន់ដំបូងគេក្នុងចំណោមការប្រជុំទាំងប្រាំមួយ ដែលសាសនាចក្រកំពុងប្រារព្ធឡើងនៅក្នុងខែកុម្ភៈ និងខែ មីនាសម្រាប់យុវមជ្ឈិមវ័យនៅគ្រប់ទ្វីបទាំងអស់ ។
សាវករបស់ព្រះយេស៊ូវគ្រីស្ទ និងភរិយារបស់លោកបានចែកចាយសារលិខិតនៃសេចក្តីសង្ឃឹមស្រដៀងគ្នានេះកាលពីថ្ងៃអាទិត្យ ទី២១ ខែ កុម្ភៈ ទៅដល់ពួកបរិសុទ្ធថ្ងៃចុងក្រោយដែលនិយាយភាសាបារាំងនៅជុំវិញពិភពលោក ។
អែលឌើរ នែល អិល អាន់ឌើរសិន នៃកូរ៉ុមនៃពួកសាវកដប់ពីរនាក់នៃសាសនាចក្រនៃពួកបរិសុទ្ធថ្ងៃចុងក្រោយ និងភរិយារបស់លោក ស៊ីស្ទើរ ខេតធី អាន់ឌើរសិន បានមានប្រសាសន៍នៅក្នុងការប្រជុំធម្មនិដ្ឋានប្រចាំតំបន់ដំបូងគេក្នុងចំណោមការប្រជុំទាំងប្រាំមួយទៅកាន់ពួកបរិសុទ្ធថ្ងៃចុងក្រោយ ជាយុវមជ្ឈិមវ័យដែលមានអាយុពី ១៨ ដល់ ៣០ឆ្នាំ ។ ព្រឹត្តិការណ៍អនឡាញទាំងនេះនឹងត្រូវប្រារព្ធឡើងនៅក្នុងខែកុម្ភៈ និងខែមីនា ឆ្នាំ ២០២១ ។ នៅពេលការប្រជុំធម្មនិដ្ឋានរបស់សាវកទាំងប្រាំមួយរូបនេះបានបញ្ចប់ នោះការប្រជុំធម្មនិដ្ឋានទាំងនេះនឹងផ្ញើទៅកាន់ពួកបរិសុទ្ធថ្ងៃចុងក្រោយនៅគ្រប់ទ្វីបទាំងអស់ ។
អែលឌើរ និងស៊ីស្ទើរ អាន់ឌើរសិន មានប្រសាសន៍ជាភាសាបារាំង ។ ថ្នាក់ដឹកនាំជាន់ខ្ពស់ដែលអាចនិយាយភាសាព័រទុយហ្កាល់ និងអេស៉្បាញ ហើយធ្លាប់បានរស់នៅប្រទេសបារាំង និងប្រេស៊ីលផង បានចាប់ផ្តើមជាមួយឃ្លាមួយមកពីសាវកពេត្រុស ដែល បានកត់ត្រានៅក្នុងព្រះគម្ពីរសញ្ញាថ្មី ៖ « រីឯសេចក្តីជំនឿ នោះគឺជាចិត្តដែលដឹងជាក់ថានឹងបានដូចសង្ឃឹម ជាសម្គាល់ពីការដែលមើលមិនឃើញ » ។
អែលឌើរ អាន់ឌើរសិន បានមានប្រសាសន៍ថា « ចិត្តដែលដឹងជាក់ ។ សម្គាល់ ។ នេះគឺជាសេចក្តីជំនឿ ។ នេះជាអត្ថន័យនៃសេចក្តីជំនឿ » លោកបានមានប្រសាសន៍ផ្សាយផ្ទាល់ពីស្ទូឌីយោថតនៅវិសាលដ្ឋាននៃព្រះវិហារបរិសុទ្ធនៅទីក្រុង សលត៍ លេក ។ « សេចក្តីជំនឿគឺមានពិតមែន ។ សេចក្តីជំនឿជាផ្នែកមួយដែលមាននៅក្នុងដួងចិត្តរបស់យើង ។ វិញ្ញាណរបស់យើងចង់ជឿលើព្រះ និងចង់មានសេចក្តីជំនឿលើព្រះគ្រីស្ទ » ។
បន្ទាប់មក សាវករូបនេះបានបន្ថែមការដាស់តឿនចំនួនប្រាំមួយយ៉ាងដែលទាក់ទងនឹងសេចក្តីជំនឿ ៖
-
ជឿលើព្រះ ។
-
ជឿថា អ្នកគឺជាបុត្រី ឬ បុត្រារបស់ព្រះ ហើយថា ទ្រង់ស្គាល់អ្នកដោយផ្ទាល់ និងស្រឡាញ់អ្នកអស់ពីព្រះហឫទ័យ ។
-
ជឿថា អ្នកអាចទូលទៅកាន់ព្រះវបិតាសួគ៌របស់អ្នក ហើយទ្រង់នឹងបើកសម្តែងព្រះអង្គទ្រង់ តាមរយៈព្រះចេស្តានៃព្រះវិញ្ញាណបរិសុទ្ធ ។
-
ជឿថា នគរនៃព្រះកំពុងរីកចម្រើនទៅមុខនៅទូទាំងពិភពលោក ហើយថាយើងម្នាក់ៗគឺជាផ្នែកមួយដ៏សំខាន់ក្នុងការរៀបចំផ្លូវសម្រាប់ការយាងមកជាលើកទីពីរនៃព្រះអង្គសង្គ្រោះ ។
-
ជឿថា មនុស្សដទៃទៀតដែលអ្នកស្គាល់នឹងទទួលយកដំណឹងល្អនៃព្រះយេស៊ូវគ្រីស្ទ ។
-
ជឿថា ព្រះយេស៊ូវគ្រីស្ទគឺជាព្រះអង្គសង្គ្រោះនៃពិភពលោក ។
នៅថ្ងៃទី ១៣ ខែមីនា ឆ្នាំ ២០២១ វេលាម៉ោង ៩ យប់ ជាម៉ោងតាមតំបន់ភ្នំ អែលឌើរ រ៉ូណល អេ រ៉ាសបាន នឹងមានប្រសាសន៍ទៅកាន់ពួកយុវមជ្ឈិមវ័យនៅតំបន់អាស៊ី និងប៉ាស៊ីហ្វិក ។ សម្រាប់ទស្សនិកជននៅតំបន់អាស៊ី ការប្រជុំធម្មនិដ្ឋាននេះនឹងមានជាភាសាខ្មែរ ចិនកាតាំង អង់គ្លេស ឥណ្ឌូនេស៊ី ចិនកុកងឺ និងថៃ ។ សម្រាប់ព័ត៌មានលម្អិត សូមចូលទៅកាន់គេហទំព័រ ហ្វេសប៊ុកផ្លូវការរបស់សាសនាចក្រប្រចាំតំបន់ ។