Rongorongo ibukin Waaki Aika Tabu n te Tembora

Te Moan Beretitentii e kanakoa te rongorongo aei n July 20, 2020, ibukin bitaki nakon waakin te entaumente n te tembora:

“Reirei aika a tabu, berita, ao waakin te tembora a moanaki mangkoa, ao a kairiia natin te Atua nako Ina ngkai a karaoi berita aika tabu ao a reikina riki Ana babaire, n raonaki ma taben te Tia Kamaiu ae Iesu Kristo.

“Rinanon te kairaki, aron kaetieti ni waakin te tembora a tia ni bitaki n taai aika a mwaiti, n raonaki ma ake a tibwa karaoaki, ni buokiia membwa n oota riki ao ni maiuakin baike a reiakin n te tembora.

“Mwakoron waakin te tembora bon karaoan berita aika a tabu, ke berita, nakon te Atua. Angiina aomata a atai mwakuri ma kanikina are raoni aron karaon berita aika tabu aikai (n aron te tataro, kateboan temanna iaan te ran n te bwabetito, ke te taubai n tain karaoan te mare). N aron aei, mwakuri ma kanikina a raoni karaon berita aika a tabu n te tembora.

“Ibukin te tabeaianga ibukiia aomata ni kabane ao te nano ni katamaroa te waaki n reirei n te tembora, bitaki aika boou a tia ni kariaiakaki nakon aron karaoan te entaumente. Ibukin tabun waakin te tembora, ti butiia ara membwa ao raoraora bwa a na aki karaoi kabutan ao marorooakinan bitaki aika a boou aikai. Ma, ti kaoiia kaain te Ekaretia bwa a na reitinako ni kaingaa te bong are a na kona iai ni manga karaoi mwakuri n te tembora aika tabu ma te tataro ao te kakaitau.”