Te rongorongo ae boou iaon rinanoan te Boki n Anene n Taromauri

Inanon Tuun 2018, e katanoataaki rinanoan ana boki n anene n taromauri te Ekaretia ao aia boki n anene ataei, n reitaki ma te bubuti ibukin aia iango membwa ibukin anene aika tabu ao te kakao ibukin anene n taromauri aika boou, eeia, ao taekaia. E kaania 50,000 membwa ake a karaoa te ukenano ni kaeineti ma ara anene n taromauri aika ngkai. Naake a kaeka a tibwauai naba aia namakin ibukin kuuna ma aaro ake tabeua ake a taraaki ngkai ibukin karinanakiia.

E raka iaon 16,000 kuuna ake a karekeaki mairouia membwa n 66 aaba. Anene n taromauri aika boou aikai ao kuuna a rinanoaki ngkai irouia membwa aika tarena man aaba aika kakaokoro ao iroun te komete n ana Etekuata te Ekaretia.

E kakaitau te komete nakoia membwa ni kabuta te aonaba ibukin aia tai ao aia tarena ni buokiia tabeman ni kaan riki ma te Tia Kamaiu rinanon anene aika a tabu. Ngkai kuuna ake a karinaki ao ake a tangiraki a tabe n rinanoaki, e kantaningaaki bwa kuuna aika boou a na tauraoi i nanon tabeua ririki.