Te Tititem ibukin te Reitaki ma Mitinare: E bebete, ao E Baiti
E bebete ao e baiti irouia membwa bwa a na buokiia raoraoia n reitaki ma mitinare, e rabwa kabouan te tititem ibukin te reitaki ma mitinare ibukiia membwa. Te waaki ae kabouaki aei e karaoaki bwa e na kabaitia tomakiia mitinare ao membwa ake iai aia aomata bwa a aonga ni karaoi babaire are e na buokaki iai raoraon te membwa n tamaroa aron karekean reirei n te euangkerio mairouia mitinare.
Aio aron karaoana:
-
Ngkana e kariaia raoraom ke am reitaki bwa e na reitaki ma mitinare, ko kona ni kanoa te booma ibukiia am aomata rinanon te Member Tools app ke iaon ChurchofJesusChrist.org/referrals. Ko kona naba ni katuka rongorongon am reitaki are kona reke iai, ao am rongorongo nakoia mitinare.
-
Imwin are e a nako te booma, te mitinare ae te aine are e katabeaki ibukiia am aomata e na reitaki nakoim. E na anga am aomata nakon te tabo are mena iai ao e na buokiko n reitaki ma mitinaren am tabo.
-
Mitinaren am tabo a na karekea naba rongorongon am reitaki ao am aomata. Aio e anganiko te kona ni marorooakin ana kangaanga ao kainnanon raoraom ma mitinare. Ko kona n taetae nakoia bwa ko na kanga ni buoka raoraom ni karekea te reirei ae tamaroa. Ko kona naba n ira buakon te anga reirei n mwaitina are ko tangiria.
“A reireiaki mitinare bwa aomata ni kabane ake a roko mairouia membwa a riai n taraaki bwa te aomata ae kakaawaki,” e taku Unimwaane Marcus B. Nash man te Itingaun. “Ngkana a karekea te aomata mitinare, a reireiaki bwa a riai n reitaki ma ngkoe bwa a na kanga ni buoka raoraom. Ngkai a uaia ni mwakuri membwa ao mitinare, e na kairiia te Uea n anga te reirei ae tamaroa are e na buokiia raoraomi ni kaan riki nakon Iesu Kristo.”
Te bwai ni mwakuri ae boou aei e a tibwa waakinaki inanon 33 taetae.