Ta meļeļe in n̄an lukkuun m̧ool in oktaktok?

(Oktoba 19–25)

Ālkin an Rilo̧mo̧o̧r kar waļo̧k n̄an Rinipai ro, rekar en̄jake aer ippān doon im aenōm̧m̧an epaakeļo̧k 200 iiō ko kōnke rekar “aolep oktaktok n̄an Irooj” (4 Nipai 1:2).

M̧ōņōņō im Ippān Doon

Rinipai ro rekar m̧ōņōņō im rekar ippān doon kōn kōm̧m̧an ko aer rejim̧we (lale 4 Nipai 1:2–15).

Rekar tiljek im jouj n̄an doon.
Rekar ļoor kien ko an Kraist.
Rekar ettā ilo jitlo̧k im jar.

Ta jet iaan waanjon̄ak ko jet an Rinipai ro kōn jerbal ko rejim̧we? Komaron̄ riiti 4 Nipai 1:2–15 im kanne ilo peba ko ejjeļo̧k kobbaer kōn elōn̄ waanjon̄ak ko kwoj loi:

_______________________________________________________________
_______________________________________________________________

Liejļōļ im Jepelļo̧k

Būrom̧ōj eo, iiō in ippān doon im m̧ōņōņō ko rekar jab pād n̄an indeeo. Āliktata, Rinipai ro rekar bōjrak jān aer pokake kien ko an Anij (lale 4 Nipai 1:24–31). Ilo kōm̧m̧ane āindein:

Rekar jino ļōmņak wōt kōn er make im utiej bōro.
Rekar kalōk m̧ōnjar ko aer make n̄an kōbajet.
Rekar kariab Kabun̄ eo an Kraist.