Itok, Ļoor Eō: Bok in Mormon
Ewi wāween ad bōk koņaad ilo “jerbal eo ekabwūlōn̄lōn̄” an Irooj?
(Oktoba 12–18)
Ilubwiljin elōn̄ men ko Rilo̧mo̧o̧r ekar katakin Rinipai ro, E ekar katakin er kōn aiintok doon eo an Israel im kar kakien er bwe ren ekkatak jeje ko rekwojarjar im n̄an kōjparok rekoot ko aer make. Ewi wāween ad maron̄ ļoor katak kein rainin?
Kobaļo̧k ilo Jerbal in
Jisōs Kraist ekar kanaan kōn juon “jerbal eo ekabwūlōn̄lōn̄” ilo raan ko āliktata (lale 3 Nipai 21:9). Jerbal eo ej aiintok doon eo an Israel. Būreejtōn Russell M. Nelson ekar ņa etan menin “men eo eaorōk tata ej bōk jikin ioon laļ rainin” im ekar ba, “Eļan̄n̄e kwoj kālet n̄an, eļan̄n̄e kwoj kōņaan, kwomaron̄ erom̧ juon eo eļap koņaam ilo jerbal in.”1
-
Ewi wāween am̧ im baam̧le eo am̧ ekkatak eļapļo̧k kōn im bōk koņaam ilo aiintok doon eo an Israel?
Kappukot Rikanaan ro
Rilo̧mo̧o̧r ekar kakien Rinipai ro n̄an “kappukot rikanaan ro” (3 Nipai 23:5). Ewōr ad iien n̄an ron̄jake rikanaan eo emour im ritōl ro jet an Kabun̄ in ilo kweilo̧k eo eļap.
-
Ta eo jemaron̄ kōm̧m̧ane n̄an ekkatak eļapļo̧k jān kweilo̧k eo eļap?
-
Ewi wāween ilo ad “kappukot rikanaan ro” jipan̄ kōj ilo aiintok doon eo an Israel?
Kōjparoke juon Rekoot
Jisōs ekar kakien Rinipai rikaļoor ro An n̄an kōjparoke juon Rekoot an katak ko An im kanaan ko an Samuel Rileman eo (lale 3 Nipai 23:4, 6–13). Āinļo̧k wōt, jemaron̄ rekoote en̄jake ko ad ilo mour ko ad n̄an jipan̄ kōj im n̄an katakin ro jet.
-
Elōn̄ ke en̄jake ko ilo jetōb m̧oktaļo̧k kwaar jab rekooti?
-
Ewi wāween am̧ maron̄ rekoote men ko Anij ej katakin eok kaki?