Rūm̧m̧an Ded ro
Komaron̄ Lo Anemkwoj
Kwoj ke ak juon eo kwoj iakwe me rekar lokjak ilo aer āliji aer wōtlo̧k, ukweļo̧k, bar kate, im bar wōtlo̧k? Elōn̄ rūm̧m̧an ded ro rem̧m̧an ikar jerbal ippāer ke ikar jerbal āinwōt juon bisop n̄an ward eo an rūm̧m̧an ded ro ejjeļo̧k pāleer rekarlokjak ilo aer āliji ejja men kein renana. Ak elōn̄ rekar bar lo anemkwoj kōn Pinmuur eo an Jisōs Kraist. Ennaan ko kōn an̄n̄ūrlep ilo jekjōn eo an allōn̄ in ekar letok jipan̄ ko rem̧m̧an n̄an kappukot anemkwoj—n̄an kwe make im ro jet.
Men eo eaorōktata jej aikuj keememeje ej bwe jej aolep ro rejitōnbōro nejin Jemedwōj Ilan̄. Elder Dieter F. Uchtdorf ekar katakin, “[Anij] ejjab kōttar bwe en iakwe eok m̧ae iien kwoj anjo̧ jān m̧ōjņo ko am̧ ilo imminene ko am̧ renana. Ej iakwe eok rainin kōn juon jeļāļo̧kjeņ eo edipio kōn apan̄ ko am̧. … Ejeļā kōn būrom̧ōj im inepata ko am̧ kōn iien ko kwar wōtļo̧k ak bōd. Im jekdo̧o̧n ak Ej iakwe eok” (“Mour Lem̧ōņōņō ilo Gospel in,” Liaona, Nob. 2014, 123; eoon eo eaorōk kar kobaiktok).
Ilo wāween eo juon, Setan enaaj kajjieon̄ ukot eok bwe kwon lukkuun eļļā im kwon jako jān iakwe eo an Jemedwōj Ilan̄ im kajoor eo an Rilo̧mo̧o̧r n̄an ukōt im karreoik eok. Setan enaaj kajjieon̄ dāpij eok ilo juon aeet in jook im kōjdat, ak kwon jab tōmak riab ko an.
Ijjeļo̧kin, oktakļo̧k n̄an Jemedwōj Ilan̄. Jab mijak n̄an kwaļo̧k m̧ool n̄an bisop eo am̧ ak branch būreejtōn eo im ro jet kwoj iakwe er. Ilo am̧ riiti bwebwenato in kōjatdikdik kein jān rūm̧m̧an ded ro jet m̧ōttad me rekar apan̄ kōn an̄n̄ūrlep, kōm̧m̧an ekkar n̄an im̧we eo kwoj en̄jake. Kwon kijenmej ippam̧ make, keememej piktokim ekwojarjar, bōk juon raan ilo juon iien, im tōmak ilo kajoor in kōmour eo an Jisōs Kraist. E im elōn̄ kein jipan̄ ko renaaj jipan̄ n̄an kappukot anemkwoj eo kwoj ikdeleel in bōke. Jab ebbweer.
Eo m̧ōtta,
Richard Ostler