Ba Jaab, Ron̄ Jaab

Saying No, Hearing No

Jemedwōj Ilan̄ ej iakwe kōj im ej kōņaan bwe jen pād ilo kōjparok! Ba jaab n̄e jej aikuj n̄an im kautiej ro jet n̄e rej ba jaab rej wāween ko jemaron̄ dāpij kōjparok eo ad make im ro jet.

Jet iien kwoj aikuj ba jaab ilo juon wāween em̧m̧an.

“Jaab, kom̧m̧ool. Imaron̄ ke jouj im daak aibōj?”

Kiiō, ej am̧ iien in! Pijaikļo̧k am̧ ba jaab ilo juon wāween eo em̧m̧an. Ta eo kwonaaj ba?

Jet iien kwoj aikuj ba jaab ilo juon wāween eo ekajoor.

“Ijjab kōņaan bwe in loe menin! Jejab aikuj jejjab alooje.”

Kiiō, ej am̧ iien in! Pijaikļo̧k am̧ aikuj ba jaab ilo juon wāween eo ekajoor. Ta eo kwonaaj ba?

Jet iien armej rej ba n̄an kōj jaab n̄an jipan̄ kōj pād ilo kōjparok im ājmour.

“Joļo̧k bōd, kwojjab maron̄ etal. Ejjab em̧m̧an.”

Kiiō, ej am̧ iien in! Pijaikļo̧k an juon rūtto ba n̄an kwe jaab im kodike an ba. Ta eo kwoj aikuj kōm̧m̧ane?

Jet iien armej rej ba n̄an kōj jaab n̄e rejjab lukkuun en̄jake ke em̧m̧an.

“Bōjrak! Ijjab kōņaan ikkure in.”

Kiiō, ej am̧ iien in! Pijaikļo̧k juon armej ej kajjitōkin eok n̄an bōjrak am̧ kōm̧m̧an juon men. Ta eo kwoj aikuj kōm̧m̧ane?

Ak n̄e armej rejjab ron̄jake n̄e kwoj ba jaab? Ak n̄e rej kōmetak eok ak kōm̧m̧an juon men enana?

• Etal jān e n̄e komaron̄.

• Ba n̄an juon rūtto eo kwoj lōke kōn ta eo ekar waļo̧k.

• Keememej bwe ejjab am̧ bōd.

• Ejjeļo̧k tokjān ta eo enaaj waļo̧k, jeļā bwe Jemam̧ Ilan̄ im Jisōs Kraist rej iakwe eok aolep iien!