Kwaļo̧k Gospel eo
Jān Elder Edward Dube
Jān Jiljilimjuonn̄oul eo
“Katak ippa … im kom̧ naaj lo an ami kakkije” (Matu 11:29).
Juon em̧m̧aan ikar jerbal n̄ane ekar letok juon kape in Bok in Mormon. Ak ikar jab riit ium̧win eiten ruo iiō. Juon Jabōt, ikar bōk Bok in Mormon eo im etal n̄an juon iaļ in tūrāāin ettoļo̧k jān jikin eo ikar jokwe ie ilo Zimbabwe. Ikar jijet laļļo̧k im kar jino riiti.
Kar jinoin, ekar pen aō meļeļe. Ak ikar bar riiti im bar riiti naan in kam̧ool eo an Josep Smith ilo aō kar āliji im bar āliji. Naan ko an rekar un̄ūr buruō.
Tokālik, juon armej ekar karuwaineneik eō n̄an itok im jar. Kar jinoin, ekar jab koņ aō pād, kōnke menin ikar jijet ilo jea ko liktata. Ak ke armej ro rekar jino kwaļo̧k naan in kam̧ool ko aer kōn Rilo̧mo̧o̧r Jisōs Kraist im Bok in Mormon, ikar en̄jake juon men em̧m̧an ilo buruō.
Ejjab to jān iien in, mijenede ro rekar itok n̄an bukwōn eo ij jokwe ie. Ejjab to ikar peptaij. Iiō ko tokālik, ekar wōr juon aō iien em̧m̧an n̄an etal im mijen im kwaļo̧k gospel eo ippān ro jet.
Kabun̄ in eļap an eddōkļo̧k ilo Zimbabwe. Ak ej wōr wōt jerbal eļap jemaron̄ kōm̧m̧ane n̄an kwaļo̧k gospel eo, jekdo̧o̧n ia eo jej jokwe ie. Kōn jar, ekkatak jeje ko rekwojarjar, im nokon in jota ilo m̧ōko, emaron̄ eddōkļo̧k naan in kam̧ool eo am̧ im epaake wōt Jemedwōj Ilan̄. Naan in kam̧ool eo am̧ emaron̄ kōjeraam̧m̧an elōn̄ armej ro ilo aolepān laļ in.