Talem No, Harem No

!Papa long Heven i lavem yumi mo i wantem yumi blong stap sef! Blong stap talem no taem yumi nidim blong talem, mo stap respektem ol narawan taem we oli stap talem no, oli ol wei we yumi save kipim yumiwan mo ol narawan oli stap sef.

Samtaem, yu nid blong talem no long wan wei we i naes.

“No, tangkyu. ?Bae mi save dring wota nomo?”

!Naoia, hem i taem blong yu! Traem tingting long maen blong yu se yu nidim blong talem no long wan wei we i naes. ?Wanem nao bae yu talem?

Samtaem, yu nid blong talem no long wan wei we i strong.

“!Mi no wantem luk samting ia! Yumi no mas lukluk samting ia.”

!Naoia, hem i taem blong yu! Traem tingting long maen blong yu se yu nidim blong talem no long wan fasin we i strong. ?Wanem nao bae yu talem?

Samtaem ol pipol oli stap talem no long yumi blong helpem yumi stap sef mo helti.

“Sore, yu no save go. Hem i no sef.”

!Naoia, hem i taem blong yu! Traem tingting long maen blong yu se wan adalt i stap talem no long yu, mo yu no laekem. ?Wanem nao yu mas mekem?

Samtaem ol pipol oli stap talem no long yumi taem oli no filim sef.

“!Stop! Mi no laekem gem ia.”

!Naoia, hem i taem blong yu! Traem tingting long maen blong yu se wan i stap askem yu blong yu stop blong mekem wan samting. ?Wanem nao yu mas mekem?

?Olsem wanem sapos ol pipol oli no stap lisin taem yu stap talem no? ?Weswe sapos oli mekem nogud long yu, o oli minim blong mekem nogud samting long yu?

Wokbaot i go longwe sapos yu save mekem.
Talem long wan adalt we yu trastem abaot wanem i bin hapen.
Tingbaot se hemia i no rong blong yu.
I nomata wanem i hapen, yu mas save se Papa blong yu long Heven mo Jisas Kraes, oltaem Tufala i lavem yu!