Ol Skripja Stori
Ol Fetful Pipol Oli bin Folem Jisas
Ridim abaot hemia long 3 Nifae 17 i go kasem 4 Nifae 1.
Ol pikja oli kam long Apryl Stott
Taem Jisas i bin visitim Ol Man blong Nifae, Hem i bin tijim olgeta abaot baptaes mo olsem wanem blong tekem sakramen. Hem i bin setemap Jos blong Hem.
Jisas i bin blesem wanwan pikinini. !Ol enjel oli bin kam! Jisas i bin hilim ol pipol mo i bin prea from olgeta. Afta long hemia, Hem i bin gobak long heven.
Afta we Jisas i bin aot, ol pipol oli bin gohed blong mekem wanem we Hem i bin tijim. Evriwan i bin wok tugeta mo i bin serem wanem we oli bin gat, blong mekem se i no gat wan i pua i stap. Ol lida blong Jos oli bin blesem olgeta we oli bin sik.
Oli nomo faet, be ol pipol oli bin jusum se bae oli nomo raorao. Evriwan i bin folem olgeta komanmen blong God. !Mo oli bin hapi i stap blong wan longfala taem!
Laef blong mi bae i hapi moa taem mi stap folem ol komanmen blong God. Mi save serem ol samting we mi gat wetem ol narafalawan. Mi save helpem ol pipol blong oli nomo raorao. ●