Unsa Kaha Kon ang Akong Pamilya Dili Ingon Niini Tan-awon?
Paghulagway ni Michael Koelsch
Pagkamapasalamaton nato sa buhing mga propeta ug mga apostoles, kinsa miisyu sa “Ang Pamilya: usa Ka Pamahayag ngadto sa Kalibutan” 25 ka tuig na ang milabay. Nagtudlo kini kanato sa mahangturong doktrina sa pamilya ug naglista sa mga baruganan nga gisunod sa malampusong mga kaminyoon ug pamilya.
Hinoon, ang pipila sa mga katawhan mahimong maghunahuna kon sa unsang paagi ang pamahayag magamit ngadto nila kon ang “ilang mga kasinatian dili haum sulod sa pamahayag sa pamilya.”1
Si Elder Richard G. Scott (1928–2015) sa Korum sa Napulog Duha Ka mga Apostoles namulong niini nga kabalaka sa kinatibuk-ang komperensya, nga mipaambit niining pag-awhag: “Bisan kon ang importante nga bahin [sa plano sa kalipay] dili matuman sa inyong kinabuhi karon, maangkon ninyo kini sa tukma nga panahon sa Ginoo. Ako usab mosaad kaninyo nga kamo adunay dakong kalamboan ug kalipay karon sa inyong kasamtangang mga kahimtang. Isip anak nga babaye o anak nga lalaki sa Dios, sunda ang bisan unsang bahin sa plano kutob sa inyong mahimo.”2