Higala ngadto sa Higala
Mga Anak sa Langitnong mga Ginikanan
Lisa L. Harkness
Unang Magtatambag sa Kinatibuk-ang Kapangulohan sa Primary
Gikuha gikan sa Aubrey Eyre, “Sister Cordon ug Sister Harkness Say African Women Are a Powerful Force for Change,” Church News, Hunyo 11, 2019.
Bisan tuod og ang matag usa nato adunay managlahi nga mga kasinatian dinhi sa yuta, kitang tanan adunay usa ka butang nga komon. Kitang tanan espiritung mga anak sa langitnong mga ginikanan!
Kausa namulong ko sa usa ka grupo sa kababa-yen-an sa South Africa. Misugod ko sa paglaylay sa himno nga “Salamat, O Dios, sa Propeta [We Thank Thee, O God, for a Prophet].” Human sa pipila ka nota, kini nga mga sister wala damha nga nanganta! Ang ilang musika mipuno sa akong kalag. Kaming tanan mibati sa gugma sa Dios.
Atol sa samang biyahe, mibisita ko sa DR Congo ug namulong sa kababayen-an sa usa ka debosyunal sa Dominggo. Misakay sila sa bus gikan sa tibuok siyudad aron moanhi. Dihay daghan kaayong mga tawo nga kinahanglan nga magbutang kami og dugang mga lingkuranan diha sa agianan, ug ang mga tawo misandig na sa bintana aron ang tanan masulod diha sa kwarto! Nakadayeg kaayo ko niini nga kababayen-an. Sila miusab sa ilang mga komunidad sa gamhanang mga paagi. Sila nagpaambit sa gugma sa Dios.
Nakahimamat ko og daghang mga bata sa Primary sa Africa. Kadaghanan nila mga miyembro sa Simbahan diha sa ilang mga pamilya. Apan sila nagpadayon og simba sa ilang kaugalingon matag semana. Ang Primary nakatabang kanila nga mabati ang gugma sa Dios.
Ang mga tawo sa Africa nangabut gikan sa lain-laing mga nasud ug mga kultura. Mamulong sila og daghang pinulongan. Sila mga buhong sa hugot nga pagtuo ug sa ilang gugma sa Dios. Kon motan-aw ko sa ilang mga mata, mabati nako nga sila nasayud sa kamatuoran ug nagbaton og mga pagpamatuod sa gipahiuli nga ebanghelyo ni Jesukristo. Nasayud sila nga sila mga anak sa langitnong mga ginikanan.
Mao usab kamo. Kamo anak sa langitnong mga ginikanan. Sila nahigugma kaninyo!