Mga Istorya sa Kasulatan
Si Jesus Mibisita sa Amerika
Basaha ang mahitungod niini diha sa Helaman 14; 3 Nephi 1; 8–11.
Mga paghulagway pinaagi ni Apryl Stott
Sa Basahon ni Mormon, usa ka propeta nga ginganlan og Samuel mitudlo sa katawhan mahitungod ni Jesus. Siya miingon nga usa ka bag-o nga bitoon mosanag kon matawo si Jesus.
Pipila ka mga tawo mituo sa propeta ug nagbantay sa bitoon. Usa ka gabii, ang bag-ong bitoon nagpakita! Kadto usa ka timailhan nga si Jesus natawo sa usa ka layo nga yuta.
Milabay ang katuigan. Usa ka adlaw ang tibuok yuta ingon og nagmasulub-on. Adunay mga linog ug mga bagyo. Kadto usa ka timailhan nga si Jesus namatay.
Ang yuta nagpabilin nga ngitngit sulod sa tulo ka adlaw. Dayon usa ka maanindot nga butang ang nahitabo. Si Jesus miabut aron sa pagbisita sa mga Nephite ug mga Lamanite! Siya nabanhaw, nga nagpasabut nga Siya nabuhi pag-usab. Siya migahin og panahon sa matag tawo, tagsa-tagsa.
Si Jesus nasayud kinsa ako. Siya makatabang nako atol sa mangitngit ug makahadlok nga mga panahon. Siya ang Kahayag sa Kalibutan!