Dali, Sunod Kanako: Basahon ni Mormon
Unsaon nato nga makalikay gikan sa paghikalimot sa espiritwal nga mga kasinatian?
Septyembre 7–13
Ang mga Nephite natingala sa katumanan sa panagna ni Samuel ang Lamanite mahitungod sa pagkatawo ni Kristo dihang nakita nila ang usa ka gabii ug usa ka adlaw nga walay kangitngit (tan-awa sa 3 Nephi 1:15–21). Subo lang, pipila ka tuig ang milabay, “ang mga katawhan misugod sa pagkalimot niadto nga mga timailhan ug katingalahan” (3 Nephi 2:1) ug sa pagkadautan.
Sa Unsang Paagi ang mga Nephite Dali Kaayong Nakalimot?
Adunay mga pipila ka rason nga nakalimtan sa mga Nephite ang mga timailhan ug katingalahan nga ilang nasaksihan. Basaha ang 3 Nephi 1:22 ug 3 Nephi 2:1–3, 10 ug ilista ang mga paagi nga ang katawhan nakalimot sa Ginoo.
Sa unsang paagi gigamit ni Satanas kini nga samang paagi sa paglingla kanato karon?
Sa Unsang Paagi nga Kita Dili Makalimot?
Si Elder Ronald A. Rasband sa Korum sa Napulog Duha ka mga Apostoles miingon: “Hinumduman, ilabi na gayud sa panahon sa kalisud, ang panahon nga inyong nabati ang Espiritu ug ang inyong pagpamatuod lig-on; hinumdumi ang espirituhanon nga mga pundasyon nga inyong natukod. Mosaad ko kaninyo nga kon inyo kining buhaton, … kadtong bililhong mga panahon nga miuswag ang inyong pagpamatuod mobalik sa inyong hunahuna pinaagi sa mapainubsanong pag-ampo ug pagpuasa. Mopasalig ko kaninyo nga mobati kamo pag-usab sa luwas ug nindot nga mga pagbati nga konektado sa ebanghelyo ni Jesukristo.”1
Unsa ang inyong mabuhat aron mas makahinumdom sa nangagi nga mga kasinatian nga inyong naangkon?
Paghulagway pinaagi ni Emily Davis