Kumusta gikan sa Guatemala!
Hi, kami si Margo ug Paolo.
Nagbiyahe mi sa tibuok kalibutan aron makakat-on mahitungod sa mga anak sa Dios. Ubani kami sa among pagbisita sa Guatemala!
Ang Guatemala anaa sa Central America. Adunay mga 17 ka milyon ka mga tawo ang nagpuyo dinhi, ug mga 300,000 ka mga miyembro sa Simbahan.
Adunay 30 ka mga bulkan sa Guatemala. Ang tulo niini aktibo! Kining usa miulbo niadtong 2015.
Daghang mga tawo mobiyahe sa usa ka lugar ngadto sa laing lugar sa mabulukon nga mga bus.
Ang hayag og balahibo nga quetzal mao ang nasudnong langgam sa Guatemala. Ang “quetzal” mao usab ang ngalan sa kwarta sa Guatemala!
Kini nga pamilya sa Guatemala nagdungan sa pagtuon sa mga kasulatan. Kinsa ang imong kauban sa pagtuon sa mga kasulatan?
Kining batang lalaki nagtabang sa iyang pamilya sa pagdala og kahoy nga igsusugnod.
Kini mao ang hapin sa Basahon ni Mormon sa Cakchiquel. Ang Cakchiquel mao ang usa sa 18 ka lumad nga pinulongan sa Guatemala! Kinatsila ang opisyal nga pinulongan sa nasud.
Ang pipila ka mga pamilya sa Guatemala naggamit og pilas—mabulukon nga lababo—nga hugasanan og mga plato ug labhanan sa mga sinina.
Himamata ang pipila sa atong mga higala gikan sa Guatemala!
Sa dihang ang akong mama nawad-an og trabaho, ang mga miyembro sa Simbahan mitabang kanamo og mga pagkaon. Kini nagtudlo kanako unsaon sa pagpakigbahin ngadto sa uban kinsa adunay diyutay ra.
Darwin M., edad 9, Sololá, Guatemala
Among nakat-unan nga si Apostol Pablo misangyaw sa ebanghelyo ngadto sa tanang katawhan. Akong gibati nga husto ang pagpaambit sa Basahon ni Mormon ngadto sa akong mga higala. Akong gisulat ang akong pagpamatuod sa matag basahon ug gitunol ngadto kanila. Nakapalipay kini kanako nga masayud nga ila kining gibasa.
Si Ximena L., edad 9, Sacatepéquez, Guatemala
Taga-Guatemala ka ba? Sulati kami! Ganahan kaming makadungog gikan kanimo.
Salamat sa pagsuhid sa Guatemala uban namo. Magkita kita sa sunod higayon!