Mga Istorya sa Kasulatan
Si Abish Mipaambit sa Ebanghelyo
Usa ka babaye nga ginganlan og Abish nagtrabaho alang sa hari. Nagatuo siya sa Dios. Kadaghanan sa mga tawo sa iyang palibut wala motuo sa Dios. Usa ka adlaw nakakita siya og usa ka misyonaryo nga ginganlan og Ammon nga nagtudlo sa hari ug sa rayna mahitungod sa Dios ug ni Jesukristo.
Sa dihang ang hari ug rayna nakat-on mahitungod sa ebanghelyo, malipayon kaayo sila! Natumba sila ug wala molihok. Nasayud si Abish nga gibati nila ang gahum sa Dios.
Gusto ni Abish nga makat-on ang tanan mahitungod sa Dios. Busa midagan siya ngadto sa kada balay ug misulti sa mga tawo sa pag-adto ug pagtan-aw unsay nahitabo.
Human makapundok ang mga tawo, gitabangan ni Abish ang rayna sa pagbarug. Dayon ang rayna mitabang sa hari sa pagbarug. Misugod sila sa pagtudlo sa katawhan mahitungod sa ebanghelyo.
Pwede akong mahimong sama kang Abish. Makatabang ko sa ubang tawo nga makat-on mahitungod sa Langitnong Amahan ug ni Jesukristo. ●
Mga paghulagway pinaagi ni Apryl Stott