Ou te taalo volipolo, tamoe i tuuga, ma toaga e faitau.Afai ou te faaaluiina se aso e fai ai se mea, atonu o le a ou alu i le matafaga.
Na ou fanau i Sikako, Ilinoi, ae na ou sau i Navu ina ua ou maua se aiga e tausia au. Ou te le manatua tele ni mea e uiga i lou olaga ae lei tausia e se aiga, ae ou te manatua le le lagonaina o le saogalemu. Ina ua ou alu i le aiga e tausia au, na ou lagonaina le saogalemu. Ou te fiafia i le i ai o le talalelei. O nisi o au uo na tuua i ni tulaga taufaafefe ona latou te lei mulimuli i o tatou tulaga faatonuina. Ou te iloa o le mulimuli i poloaiga e tausia au ia saogalemu.
Sa o se aafiaga matagofie tele le mauaina o lou aiga. O lou tina na sau i le aoga faataitai na ou alu i ai ona sa ia fesoasoani e sui i faiaoga. Na ia taalo faatasi ma au, ma na ia tau atu i se tasi o faiaoga na ia manao e ave au i le fale ona o au o se tamaitiiti aulelei tele. Na fai atu le faiaoga, “O loo lisiina o ia mo le vaetamaina, masalo e mafai!” Na sailiili lou tina ma vaetamaina loa au ma ou tuagane e toalua. E matagofie aua ou te iloa pe faapei le leai o se aiga, ma ua avea ai le maua o se aiga o se mea e sili atu le faapitoa.