O Aposetolo i le salafa o le Lalolagi
Ua Asiasi atu Elder Christofferson i Filipaina
E malaga atu Aposetolo i le salafa o le lalolagi e auauna atu i tagata ma aoao i latou e uiga ia Iesu Keriso.
Na asiasi atu Elder D. Todd Christofferson ma Sister Kathy Christofferson i tagata o le Ekalesia i Filipaina. O se atunuu e maua mai i ni motu e silia ma le 7,000. Ma e sili atu ma le 770,000 tagata o le Ekalesia!
Na aoao mai Elder Christofferson:
Ia agalelei ma tausi le tasi ma le isi. O lenei mea ua taua o le auaunaga.
Ola i le talalelei—le talalelei atoa lava!
Faasoa atu le talalelei i isi.
O le tele o tagata o le Ekalesia mai Filipaina—aemaise lava tamaitai talavou—e auauna atu faamisiona. Na saunoa mai Elder Christofferson e lauiloa i latou i le lelei o le aoaoina o gagana.
Na saunoa mai Elder Christofferson afai e te asiasi i Filipaina, o le a e sau i le fale ma se ataata i ou foliga!
“O mea laiti e faia ni eseesega tetele i olaga o tagata taitoatasi ma aiga.” —Elder D. Todd Christofferson