Kairake
Ngke I moan nakon te reirei ae rietata, iai te bwai teuana ae I ikakorakora ma ngaia: ngkana te bwai ae boou ae kabwarabwaraaki, I kunea bwa e kangaanga bwa N na ota. Te tairiki teuana I tataro nakon Tamara are i Karawa bwa e na buokai n anganai te ninikoria ni kaitara. Iai au onimaki, ao I kona n oota raoi. Man te tai anne, te tataro ao te onimaki a mena iaon au riti ibukin baika N na karaoi n te reirei ao ike I nako iai. Tikuu n aia reirei ataeinimwaane e rangi n aki kakukurei ibukin tabeua bwaai aika a eka nako te tua irouia ataei. Ngkana e riki anne, e roko aia taeka au karo n au iango: “Tai karaoa te bwai teuana are e na kaira nako te Tamnei are Raoiroi.” I kukurei iroun tinau, are aki toki ni kauringai bwa N na kakauongo nakon te Tamnei ae Raoiroi. Ngkana ti karaoa ae e eti, E na kakabwaiaira te Atua.
Nyame S., ana ririki 16, Ghana