Mauri mai Estonia!
Ngaira bon Margo ao Paolo. Te ririki aei ti mwananga ni katobibia te aonaaba n reirei taekaia natin te Atua. Raoniira ngkai ti a kawara Estonia!
Estonia e mena i Eurobe maiaki. Iai atimwakorona ae e raka iaon 2,000. E kaniia 1.3 te mirion aomata aika a maeka i Estonia.
Aio aron taekinan “ko na mauri” n te taetae n Estonia: Tere! Ao aio aron taekinan aran te Ekaretia: Viimse Aja Pühade Jeesuse Kristuse Kirik
Aio Tallinn, atuun te tautaeka n Estonia. E a kaman tei inanon 800 te ririki! Iai iaon Estonia tabo aika aiki ribanaki aoia, n aron kaai ao tabo aika aoneinei. Ni bon arona raoi, iteran aon Estonia e bon onrake n te buakonikai. Mwaitia kain Estonia a tangiria ni kabanea aia tai ibuakon kain aona.
Tera te katairiki i Estonia? Tao irikon te beeki ke te ika ae e kamaraaki n te beneka ma te buteta, te kabiti, te kuriim ae kamangingaki ao te kariki ae roroo. Anne e aranaki bwa te sprat tianiwiti.
Ko tangiria n anene n te Moanrinan? Ni katoa nimaua te ririki, aki toki ni bobotaki kain Estonia ni bukamarua abaia n te anene ao te mwaie.
E uarereke te Ekaretia i Estonia ma e korakora. Iai kain te Ekaretia ae e kaniia tenga mwaitiia. Te tembora ae e kaan nakoia bon i Helsinki, i Finland.
Aikai uoman titita mai Estonia!
N te tairiki teuana ngke I tangiria ni matu, e a bua au taore ae te bea. I kakaea ma I aki kona ni kunea. I tataro. Imwina I kunea au taore te bea ao I miia bwai aika raoiroi.
Bianka J., ana ririki 7
A tangiria au utu ni buokiia tabeman. Te ibuobuoki e buokiira ni namakina te Tamnei ae Raoiroi, are e anganiira namakinan te rau. Ngai ao tariu ti karaoi taian bwai n tangira ibukiia tabeman ibukina bwa ti tangiriia bwa a na namakina ae a tangiraki.
Piibe J., ana ririki 10
Ko rabwa ibukin raonakira n neweabaakin Estonia. Tiabo rimwi!