Tii aika a Maiu man te Iti
Aia Mwakoro Ataei ae Boou n te Riaona
Ni moanaki man 2019, aia iteraniba aei n te Riaona e bitaki n teniua kawai aika korakora:
-
Te mwakoro ae onoti. Ngkai ataei a na kona n wareki karaki aika a na karikirakea te onimaki ao mwakuri n aia iteraniba ataei, ae aranaki bwa te Rao. Te Riaona e na reitinako naba ni katauraoi rongorongo ibukia ikawai, kairake n ikawai, ao te roronrikirake.
-
E raka mwaitin te iteraniba. E rikirake mwaitina man 14 nakon 24 te iteraniba are nanona bwa e mwaiti riki karaki, mwakuri ni kauring, ao iango ibukin reiakinaia ataei n te mwenga ao n te Moanrinan. (Iango ibukin te angareirei ake a kaboraoaki ma te boki ni kairi ae boou ae Nakomai, Iriirai.)
-
Te beba ae boou. Te beba ibukia ataei ae boou e bebete koreana, karanakina, ao te koroboki iaona.
Te Rao e katan iaan kakaboan rokon te Riaona n akea riki boona ae raka ao e na karokoaki ma te maekatin aei. N te tai aei, te Rao e aki kona n otanaki n ti ngaia.
Aomata ni kabane ake a karekea te Riaona a kona n angania ataei te kona ni karekea te Rao. Naake akea natia ni mwengaia a kona n angan tibuia, raoraoia ke kaain rarikia, ke te tia reirei n te Moanrinan, are e kona n angan te ataei n te uoote ke n te mwaanga.
Ni kabooa kakarokoan te Riaona iroum, nakon store.lds.org, reitaki ma te distribution center are ko uakaan ma ngaia, ke maroro nakon am kiraaki n te uoote ke n te mwaanga.
Kaongoraea te Riaona arom ni kakabongana te Rao ae boou n te mwenga ao n te Ekaretia n ara meeri ae liahona@ldschurch.org.