Te Maiu bon te Uaia n te Kawai ae Abwabwaki
Kairake Ibukiia Aika Itiaki ni Boong aika Kaitira a maeka n te tabo are e maeka iai te Abotoro Bauro n tain te Nu Tetemanti. Ao a maiuakina ana taeka.
“I a atia n reiakinna bwa te euangkerio bon titebo n tabo nako. E maeka i tinaniku, I a tia n reiakinna bwa N na katurua au iango inanon koauan te euangkerio ao n namakina te Tamnei nakon ae N na kairiiraki nako n taian katei.” —Bryana W., 15
“I korea te taeka ae uringa iaon au tirotaam bwa I aonga n uringi baike a riki n te ririki aei n tain te FSY, te kaembwa ibukiia Kairake n Ataeinaine, te tieminari. E buokai ni kauringai bwa I roko ma iaa.” —Marie H., 17
“I ataia bwa ngkana I nako n te tieminari I kona n namakina te raunnano n atakina bwa I karaoa te bwai ae N na riai ni karaoia, ao I ataia bwa a na bon nakoraoi bwaai ni kabane.” —Lizzie T., 17
Loukia C., 15, ai tibwa ana moan tai ni kaota ana koaua n tain te kaembwa ibukiia Kairake n Ataeinaine ao e bwabetitoaki imwina.
“Te bwai ae mate nanou iai n tain te FSY bon te takakaro, te taenti, ao te bootaki n te kurubu, are n tain te taromauri n te ingabong ao n tain kabwarabwaraakin bwaai. E buokai bwa N na rangi n ibuobuoki ao n taotaonaki n nano ao ni karabwarabwa ibukin koroboki aika tabu.” —Haig T., 14
“N tain te FSY, ti a moanna n riki n aiaron te kurubu ao ae kakorakoraira. E buoka ni katea ao ni kakorakora te burokuraem ibukiia kairake iaon Kuriiti ibukina bwa ngkai ti a kinaira raoi ibon imarenara.” —Alexis H., 18
“N anene mai moa n tain te FSY, bon teuana te bwai ae I rangi n kaninikoria iai ae I a tibwa karaoia ao bon teuana te tai ae rangi n tamaroa ae I a tibwa rinanona. N te tai anne, I reiakinna bwa kakawakira ngaira n te aonaaba ae tamaroa aio.” —Irini S., 17
“N tain aia kaembwa Kairake n Ataeinaine I reiakinna bwa te maiu aio bon titebo ma te uaia n te kawai ae abwabwaki. E buokai ni karikirakea au onimaki, n ataia bwa ti riai ni touanako kawaira n te kawai ae eti, n ai aron ae ti ira te biri n te uaia n te kawai ae abwabwaki. Te namakin ae aekakin akanne a buokai ni karikirakea au koaua ao n reitinako n au onimaki ao n tiku iaon te kawai ae eti.” —Winifred K., 14
“I tangiria n nooria bwa aekakira aron ae ko mena irarikiia raom n rikirake are titebo am koaua ma ngaiia. I namakinna bwa ti bane n reitaki n te aro ae e onoti, e riaon riki ae ti tii atai arara nako.” —Pavlos K., 15
“I rangi n kukurei ngkai e kona n reke te tai ni kaitibo ma tabeman kairake ake a rinanon baike I rinanoi ni katoa bongin maiu.” —Joshua K., 17
“Te FSY ao te kaembwa ibukiia Kairake n Ataeinaine e karika te namakin ae ti te arona n aki taraia bwa ko mena iaa n te aonaaba. I kukurei riki n te kaembwa ae e uarere ibukiia Kairake n Ataeinnaine ibukina bwa e baiti riki kinaakia tabeman iai.” —Olivia H., 15
“Tiaki ngai te membwa n te Ekaretia, ma I roroko ni katoa wiiki ngkana e reke au tai. E bwaka nanou n te bwai are a tei ibukina kairake n ataeinaine.” —Irene C., 14
Tabeua namwakaina n nako, a bootaki ataein te tieminari kiraati i Areiobako, irarikin Atenai, Kuriiti, te tabo are e anga iai ana kabwarabwa ae korakora te Abotoro are Bauro (taraa Mwakuri 17:22–34). A marooro ataei iaon baike a riki ni mauia mai mwin irakin te tieminari ni ikotaki ma ana reirei Bauro.
“Maekau i Kuriiti e karika ae kanga tia manga mena n tain te Nu Tetemanti,” e taku Alexis H., ana ririki 18. “Tamau e tatangiria n nakon taian kateitei ni kawai ake a uruaki are e reirei iai Bauro ao e aki toki n tibwaa te kibu ke n tuangiira te karaki are e riki iai te rongorongo anne.”
N aron taian kakaewenako are e kaitarai Bauro n ana tai, kairake i Kuriiti a kaitara ma waakin n te aroaro, te kairiiri n te tautaeka, ao waaki ni kaineti ma kaubwain te aba. Te maungatabu ibukiia kairake ao aia kaembwa Kairake n Ataeinaine bon waaki aika aki rangi ni kakaraoaki i Kuriiti, ao kaean te tieminari e kona ni matoatoa naba. Ma e ngae ngke iai totoko ao tabeua kakaewenako, kairake i Kuriiti a karaoa nanon ana kaunganano Bauro “bwa kam tei matoa n te tamnei ae ti teuana, ni kakorakorai ngkami n te nano ae ti teuana ibukin te onimaki are n te euangkerio” (I-Biribi 1:27).
Te maeka i Kuriiti nanona bwa ataei aika kairake aika membwa aikai a kukurei n angin abaia ae abuee, iai bikena, amwarake, ao te mwaie. A namakin naba kaungan te bobotaki imarenaia ni kabane. N aia tai ni bootaki n te tieminari ao waaki ni kakukurei n aia mwaanga, a rikirake ni korakora n aia onimaki ao aia itangitangiri.
Te Tieminari i Areiobako
Te kurubu n tiemirari imoan te auti ni bootaki i Atenai.
Korotamnei man ana mamanano Leeann Heder
Ngke e moan waaki te tieminari iaon Kuriiti tabeua te ririki n nako, iai kaina bwa niiman ataei. A bobotaki tenua te ingabong n te wiiki, ao iai tabeman ake a iria rinanon te aonrain ni marooro n te witeo. A boboia naba ni bwakantaain te katenibong ibukin te tieminari, ma te waaki ni kakukurei imwina. A rikirake ni kinaia raoi ibon imarenaia ao a riki bwa te ota nakoia raraoia, ake a nonorii aia banna ni katootoo. Ngkana a titirakinaki irouia raraoia, kairake aikai aa kairia naba nakon te tieminari ao te waaki ni kakukurei n te miutuoo.
Temana te kairake n ataeinimwaane, Pavlos K, 15, e taku, “Te nanako n te tieminari bon te kawai ae raoiroi ni moankin au bong ao e buokai bwa n a tiku ni matoatoa. E katukai n te iango are n a riki bwa te banna ni katootoo nakoia tabeman. E buoka aron moanankin te bong ni iangoan Iesu Kristo.”
N aia tai ni rikirake te roronrikirake n korakoraia, ao n te katiteuanaaki, kakabwaia ao baike ana konaa ni karekei ana kaoti. Te katootoo, inanon 2017, a kakabwaiaaki ngke a ira te maungatabu ibukiia te roronrikirake ae bubura n te mwakoro, iaon Ibukin Korakoraia Kairake (FSY). Kairake n Ataeinnaine naba a ira te moan kaembwa ibukiia Kairake n Ataeinnaine i Kuriiti. Mai mwiin anne, ao a rikirake ni bonano n aron te kurubu, ao uoman kairake n ataeinnaine aika a kaina te Ekaretia.
Te FSY Maungatabu n te Aonaaba
N tain te FSY maungatabu, tiberingian te taeka ae “Bubuti,” man Iakobo 1:5.
Te maungatabu aio, e booaki i Tiaman, e a bootia ni kabane kairake ni Boong aika KaItira mai aon Eurobe. Kairake mai Kuriiti, ao Cyprus a roko man te raroa ae tebubua tabun te maire, ao aia taneiai are a rinanona n tain te maungatabu e korakora namakinaa iaoia ni kabane. Mai iroun Maximos A, 14, “te bwai ae e rangi n ururingaki arona n tain te FSY, bon te tai are ti kaoti iai ara koaua. Ni kabane a bane n namakina te Tamnei, ao e anganai te ungannano man te tamnei bwa N na karikirakea oin au koaua.”
“N te moan tai bon ti aman kairake aika a na mwananga,” e taku Loukia C., 15, “ma n tokina, iai 15 ake a iria—te moan rekooti ibukin Kuriiti—ni ikotaki ma 3 raraora ake tiaki kain te aro.”
“E rangi n raoiroi te ikoikotaki n te tabo teuana are ko konaa n tibwaa te euangkerio ae tii teuana ao ko aki kaokoro mai buakoia. Bon ti te arona ngaira ni kabane, ao ti bane n namakina te Tamnei. Aikai bwaai aika a buokai.”
“Tamau bon tiaki te membwa ao e aki kariaia bwa N na nako n te FSY, ke ni bwabetitoaki” e taku Jesiana, 16. “Ma a karaoa aia aki mamata kain te mwaanga ibukiu, ao tibu te unaine e marooro ma tamau. Imwiin anne e taku bwa I konaa n nako!”
N tain te FSY, e rinanon namakin n aron ae ai tibwa te moan tai, n aron “ira buakon te reirei ao waaki ni kakukurei ao kaotan au koaua e buokai ni kamataataa bwa e kanga raoi namakinan te Tamnei ae Raoiroi. I tuai man namakina te Tamnei n aekakin anne mai mwaina, ao I rangi ni kukurei ao ni ingainga. Ai bon tibwa au moantai ni kaota au koaua.”
Irarikin are e kamwarakeaki tamneia, e reke aia tai kairake ni motirawa ao ni kaungaia ibon imarenaia n tain te maungatabu. Haig T., 14, e kaea te maungatabu mai Cyprus. I reiakina aron ae N na booibuako, ni karekeia raoi aika bon rao ni koaua, ao n takakaro n kukurei, n taai naba aika ti rawawata iai.”
Aia Kaembwa Kairake n Ataeinaine
Kairake n Ataeinaine i Marathon, Kuriiti.
E reke naba te namakin anne n aia kaembwa Kairake n Ataeinaine. Tengaun ma uoman kairake n ataeinaine a bootaki ma aia taan kairiiri irarikin te tabo ni buaka ngkoa ae Marathon. A kabanea tenibong aia bong, n reiakinna bwa a na ikarekebai ibukin te korakora ao kaungakiia ibon imarenaia.
“Ngke 12 au ririki,” e taku Loukia, “I kaea te taromauri n te moan tai ao I rangi ni kukurei, ma I ataia ae akea au roro bwa tii ngai. Ngkai, uoua te ririki imwiina, e a rangi ni mwaiti kairake n ataeinaine ao anne te moan tai are e a konaa n iai te kaembwa ibukiia Kairake n Ataeinaine.” Inanon aia tai ni bootaki, e taku, “I a ataia bwa tera raoi nanon n riki bwa Aika Itiaki ni Boong aika Kaitira. Ngkana ti maiuakina te euangkerio, ti katobibiaki n te ota.”
Aia Kaemba Kairake n Ataeinaine, 2017—ai tiba te moan i Kuriiti.
Ibukin Bryana W., 15, FSY ao te kaembwa ibukiia Kairake n Ataeinnaine e buokia ni kakeaa te maamaa ao ni kakaraki ma tabeman. “Aki toki ni mwainging au utu, ao e a rangi ni kaanganga ae N na rena ma tabeman,” e taku. “Ma ibukina bwa I a rani ng rena ma kain au kurubu n te FSY, I karekeaia raraou aika a rangi n tamaroa. N tain te bootaki ni kaoti koaua, ti tibwai ara namakin, ao I ataia bwa a bane n namakina te bwai are I namakina naba.”
Marie H., 17, e uringa te boto ni iango n tain te kaembwa, “Te Maiu bon te uaia n te kawai ae abwabwaki tiaki te kabo birimwaka.” Kairake n ataeinaine ao aia taan kairiiri a maroroakina kakawakin te botumwaka ao te waaki nakon tokin te biri, e taku. “E kauringai bwa I bon kona ni keiaki nakon te tia, ni bon karaurau, ao ni katurua au taratara iaon te rain are te tia. Ngkanne I a kona ni katiai bwaai ake e tangirai Tamara are i Karawa bwa N na karaoi.”
“Matakuakinan otin taai e uota te namakin ae rau, te tamnei ae tamaroa.” —Lizzie T.
Teuana te bwai ae e rianako n tain te kaembwa bon te taromauri ni moan otin taai iaon te bike n aia kabanea ni bong n te moaningabong anne. Lizzie T., 17, e taku, “Ti uotii ara boki aika tabu, ti karaoa ara taromauri ao n taratara otin taai. Ti bane n namakina ana tangira te Atua. E rangi n tamaroa te tai ni kainiin bwa ti kabanea ara tai ibon imarenara.”
Kaitaraan Taai aika Imwaiira n Akea te Maaku
“Man te FSY ao te kaembwa ibukiia Kairake n Ataeinaine, I reiakina ae bati iaon te euangkerio ao arona ni buokai inanon maiu,” e taku Irini S., 17. “I karekeia raoraou aika mwaiti ao n reiakina kakawakin kakaotan au iango ao au namakin. I a namakina raoi te Tamnei ae Raoiroi ao ana tangira te Tia Kamaiu, Iesu Kristo.”
Ni menau ibuakoia kairake Ibukiia Aika Itiaki ni Boong aika Kaitira, e taekina bwa, e kakorakora onimakinana ibon irouna. “Imwain te FSY I bon aki nora raoiroin ao tikiraoin bwai ake e karaoi te Atua ibukira ao taian babaire are E kakaraoi ibukira.”
“Ti na aki kai rootaki iroun temanna ke bwaai tabeua ake a katobibira ake a na katikiira nako man maiuakinan te euangkerio,” e taku Manasseh A., 17. “I ataia bwa te euangkerio titebo n tabo nako ao ti riai n tiku iaon te kawai ae eti.”
Ao tao ngkana ti mena i Kuriiti ke n tabo tabeua n te aonaaba, te kaai n toua te kawai anne e na kairiira nakon te nano ae ti teuana.