Ngkai te ataeinaine ngai, I kona ni kabanea nanou iaon te reirei ao te mwakuri ke iaon te riki bwa te buu te aine ao te tina?
Ti ataia bwa “te utu e mena i nukan ana baire ni kamaiu te Tia Karikibwai” ao bwa moan tabeia tiina bon karikirakeaia natiia.1 Ao ti ataia naba bwa, bukina naba aika tamaroa aika a kaokoro, mwaane ma aine ni botaki a tia n reireinaki irouia burabeti bwa a nai karekei aia reirei2 N raonaki ma anne, ti ataia bwa a mwaiti aika kainnanoa ke a tangiria ni karekei aia mwakuri.
Beretitenti Dallin H. Oaks, Moan Kauntira n te Moan Beretitentii, a tia n taku bwa ibukiia aine, te rinerine e aki mena i marenaia utu ke te reirei ma te mwakuri. “Te tai bon ngaia ae ti na rineia,” e taku. “Ao ti kakaea ana kairi te Uea ao aia reirei ana Toro ni karaoan anne.”3
Babaire ni karekean te reirei, ao babaire ni karekean te utu. Ko kona naba ni babaire ni karekea te mwakuri. Ni kabane aikai, am iango a na rimwiin Ana baire Tamara are i Karawa ao ni kakaea Nanona.