Namakin ae Boou
E maeka te tia korokaraki i Texas, USA.
Estonia
“Iai au kakuba!” Ema (Mom) e taku ngke a anaa Rasmus man te reirei. A uaia n nakonako rikaki nakon te kawai ae irariki ni karinanin auti aika tamaroa.
Rosolje ibukin te amawarake n tairiki?” Rasmus e kantaningaia bwa e na koro nanona. A tibwa tia n amwarake n te wiki ae nako n ana kaitiua ni bong ni bung. Ma e kona n tainako n amwarake n te biite-ao te buteta!
Ema e ioioa atuna ma te mata ngare. “I kaitibo ma uoman ataeinaine i aon te bwati n te ingabong aei. Mitinare. A na kawarira nakon te tairiki ni maroroakina taekan aia ekaretia.”
E euta matana Rasmus ma te mimi. E tuai mn kaitibo ma mitinare mai mwaina.
E mena n ana ruu ni matu n takakaro ma ana kaa n tiriai ngke a roko mitinare. “Tere! Tere! Mauri!” a kamauri Ema ngke a nakonako nako nanon te auti. A buuti aia kau ni wae ao ni karini taian tiribwati Ema e kawakin ibukiia irua. Ema e kairiia nakon te kauti ae aoranti. Ma Rasmus e kerikaaki nakon te mataroa.
Te aine are abwabwaki riki e ataia ao e matangare. Ana taeki n ara e kangai Õde Craig (Titita Craig). “E tuangira tinami bwa ai am bong ni bung,” e taku neiei. “Ti uota te bwai teuana nakoim.” E kaota te kaati ae uarereke. Rasmus e taraia raoi ni kaaniia.
Bon tamnein te mwaane. E kunnikaina n te mainaina, ao e takina nako baina.
“Ko ataia bwa antai anne?” Õde Craig e titiraki.
Rasmus e aki ataa aran te mwaane. E tuai men noora te tamnei aei mai mwaina. Bwa te mwaane e taraa n akoi ao ni korakora. “I taku bwa te uea!” Rasmus e taku.
A uaia ni matangare mitinare. “Eng, Bon ngaia! Ngaia bon aia Uea taian uea! Arana bon Iesu Kristo.” Õde Craig e kaotinakoa te boki ae buru otangana. “Ao aio te Boki are reirei Arona, te Mormoni Raamat. Ana Boki Moomon.”
Teuaei ao Ema a moana warekan Ana Boki Moomon ni katoa te bong imwain ae nako teuaei nakon te reirei. Inanon te reirei, Rasmus ao ana kiraati a nakonako ao imwiina a rawea matuia. Imwiin te reirei, teuaei ao Ema a bon aki toki ni kakaitibo ma mitinare. A taetae ma mitinare n aron te bwai are a warekia n Ana Boki Moomon. Tabetai Ema e kamwarakeia n te kringel, te kariki n tinamon. N tain banen te wiiki teuaei ao Ema a bwatika ke a bikiniki iaon te bike. N taai tabetai a nakonako n te kawai ae abwabwaki i buakonikai ke ietan aia karaanga ae a tatangiria.
Teuana te nakonako n te buakonikai, Ema e tuanga teuaei bwa e kan bwabetitoaki. Rasmus e kukurei. A tia ni bubuti mitinare nakon Ema n tataro arona bwa e riai ke na aki bwabetitoaki. E taraa n ae neiei e a tia ni karekea te kaeka!
“Ao I ataa ike N na bwabetitoaki,” e tuanga neiei ma te matangare. “Ko kona n katautaua?”
Rasmus e iangoa aron aia reirei mitinare iaon te bwabetito. A taua te tamnei ni kaota Ioane te Bwabetito inanon te karanga.…
“Te karanga!” e takarua ni kukurei. “Ara karanga ae ti tatangiria.”
Teuana te wiiki imwiina, Rasmus e tei iaon mataniwin te karanga ma mitinare ao tabeman kaain te ekaretia. Ema e a tauraoi ni bwabetitoaki. E a tebonako iaan te ran, ni kanga aekan are karaoaia Iesu. Ngke e a otirake, e matangare. Rasmus e tangira uringakin te tai aei n aki toki—te ran ae mawaawa, taian uee aika mainaina n te uteute ae kiriin, ao moangaren tinana.
“E kanga aron namakinan te bwabetitoaki?” teuaei e titiraki rimwi, ngke a tabe ni kang kukii are a uotia mitinare.
“Kamimi,” neiei e tuanga teuaei. “I kan tiku n te karaanga n aki toki. I namakina ae I a boou!” E rabwatia neiei ni kamatoa.
“Ibukin au bong ni bung ae imwiina, I tangiria ni bwabetitoaki, n aekam ao Iesu,” e tuanga neierei. I kan kataa naba anne!”