Kairake n Ikawai
E Kairiirai te Atua?
Maiura a onrake n rinerine aika korakora: tera te mwakuri are ti rineia, antai ae ti na mareia, te reirei are ti na reirei iai, ao a mwaiti riki. Maiura a onrake naba ma tabeaianga ni katoa bong: kabonganaan raoi te tai, te ota n ana reirei te Ekaretia, ao karekean te rau ribuakon kaangaanga. Ni kauarerekea aei, ti kainnanoa te kaotioti ae onoti. Ma n tabetai e kona ni kaangaanga karekean te ataibwai bwa ti na kanga ni karekea ao ti na kanga ni kinaa n rokona. N te tai are ti aki karekei ke ni kinai kaeka aikai, tao ti na mimi, “Mairoun te Tamnei arei ke tao ti au iango?” “Bukin tera I namakinna bwa N na karaoa te bwai teuana ao e aki koro nanona?” “Bukin tera I namakinna bwa e aki kaekai au tataro te Tama are i Karawa?”
Ae kakukurei bwa, ni “Karaoan Rinerine: Inaomata n rinerine ni kaitaraaki ma te Kaotioti” (iteraniba 44), Erin e tibwa ana karaki iaon te kaotioti ae onoti ngke e karaoa te rinerine ae rangi ni kakawaki. E ngae ngke e tangiria te Atua ni kairiira, E tangiria naba ni buokira n reiakinna bwa ti na kabongana inaomatara n rinerine ni karaoi rinerine aika raoiroi.
Reiakinana bwa e kanga te Tamnei ae Raoiroi n taetae nakoim n ae onoti bon te mwakoro ae kakawaki ni karekean ao kinaakin te kaotioti. E kona ni kakaokoro iroura n tatabemanira. N te iteraniba 48, e mwaiti kairake ni ikawai ake a tibwauaia bwa a kanga ni karekei kaotioti.
N te rongorongo ae e ti kona ni warekaki ni bwaai aika maiu man te iti, e kabwarabwara Aspen bwa karekean te kaotioti ae onoti e kainnanoa “Kakorakoraan Am Mwatireti n te Maiu n Tamnei.”
Iangoan taai aika a na roko a kona ni kakua, ao ni kakamaaku. Riki irouia kairake n ikawai. Ma n te tai are i uringnga bwa te Atua e a tia ni kaira maiu n taai ake ngkoa, e anganai te unganano n reitinako ao ni karaoi rinerine, n onimakinna bwa E na reitinako ni anganai te kairi are I kainnanoia inanon kawaiu.
Raomi ni Koaua,
Katie Sue Embley