Fakahā pea Tala
Ne mau fakafiefiaʻi ʻa hono fakamanatua e ʻaho ʻo e Palaimelí ʻaki ʻemau fai ha fakaʻaliʻali talēniti ʻi he tokoni ʻa e fāmilí mo e kau faifekaú. Naʻe fakatātaaʻi ʻe he fāmili takitaha ha talanoa mei he Tohi ʻa Molomoná.
ʻEkitivitī ʻa e Palaimelí, Siteiki Kali Kolomupia Kolimá
Naʻe makehe ʻaupito ʻeku papitaisó kiate au. Naʻá ku lotua mo ʻeku fineʻeikí ke fakangofua au heʻeku tangataʻeikí ke u papitaiso. Ne tali ʻe he Tamai Hēvaní ʻeku lotú, pea naʻe fakangofua au heʻeku tangataʻeikí. Naʻe papitaiso au pea naʻá ku fiefia ke u kau ki he Siasi moʻoni pē ʻe taha ʻi he funga ʻo e māmaní, ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku tupulaki ʻeku fakamoʻoní he ʻaho kotoa pē ʻi heʻeku ako lahi ange kau ki heʻeku Tamai Hēvaní.
ʻEimi V., taʻu 9, ʻEla Olo, ʻEkuatoa
Naʻe kē hoku tokouá mo hoku tuofefine siʻisiʻí. Naʻá ku fakamanatu ange kiate kinaua naʻe akoʻi mai ʻe Sīsū ke ʻoua te tau kē. Naʻá ku ongoʻi fiefia ʻi heʻeku hoko ko ha faʻifaʻitakiʻanga leleí.
Tekuana K., taʻu 10, Lusaka, Samipia
Naʻa mau ako ki he teunga tau ʻa e ʻOtuá, ko e Ngaahi Tefito ʻo e Tuí, kau taki ʻo e Siasí, ʻū tohi ʻi he Tohi ʻa Molomoná pea mo e misi ʻa Līhaí.
ʻEkitivitī ʻa e Palaimelí, Vahefonua Sanitiako Sipeiní