Ak Ikwōle!
Isadora Marques Garcia
São Paulo, Brazil
Kōmeļeļe jān Allen Garns
Juon raan ewōtiwōt ilo mijen eo aō ilo Colombia, kōm̧pānien eo aō im n̄a ekar wōr wōt juon am̧ro awa m̧okta jān am̧ro rool n̄an m̧weo m̧ōm̧ro. Kōm̧ro kar kwōle im m̧ōk jān am̧ro kar etetal aolepān raan eo. Ekar ejjeļo̧k juon armej kōm̧ro ar maron̄ loe im katakin e.
Ekar barāinwōt ejjeļo̧k ippem̧ro jāān, im kōm̧ro ej jan̄in kar wia m̧ōn̄ā. Kōm̧ro kar jeļā bwe n̄e kom̧ro nej ro̧o̧l n̄an m̧weo m̧ōm̧ro im enej ejjeļo̧k m̧ōn̄ā n̄an m̧ōn̄ā. Ikar kajjieon̄ jab ļōmņaki ļōmņak kein renana im ļōmņak wōt in jerbal.
“Lale ta e ikar loe!” Kōm̧pānien eo aō ekar ba.
Ekar loe jet jāān ioon laļ. Jān ta eo ej waļo̧k iturin mejān, imaron̄ kar jeļā ta eo ekar ļōmņake ekar barāinwōt ta eo ikar ļōmņake. Kōjro maron̄ wia jet m̧ōn̄ā bwe jen m̧ōn̄ā!
Ak ālkin jidik iien, kōm̧pānien eo aō ekar ba, “Jaab, jāān in ejjab arro!”
“Ak Ikwōle!” Ikar ļōmņak.
“Jekdo̧o̧n wōn armej eo an jāān kein, kōm̧ro ban maron̄ loe er ilo bon̄ōn in,” Ikar jiron̄ļo̧k e.
Ekar ba bwe kōm̧ro en jar. Ikar jeļā bwe ekar jim̧we, ak rājetū ekar ļōmņak bwe ekar bwebwe. Kōm̧ro kar jerbal aolepān raan eo. Kōm̧ro kar kwōle. Bōlen loe jāān ko ekar juon kōjeraam̧m̧an kōn jerbal in jipan̄ eo am̧ro.
Innām ikar keememej jinō. Ke ikar dik, ekar katakin leddik ro jeiū im jatū im n̄a bwe kōm̧in aolep iien m̧ool. Ekar juon waanjon̄ak n̄an kōm̧ im kar jar bwe enaaj wōr am̧ peran n̄an m̧ool. Ikar jeļā bwe eļan̄n̄e ekar pād ijo, enaaj kar būrom̧ōj eļan̄n̄e ikar jab kōm̧m̧ane juon jokālet ejim̧we.
Kōn menin kōm̧ro kar jar. Kōm̧ kar kajjitōk ippān Jemedwōj Ilan̄ n̄an jipan̄ kōm̧ro lo armej eo an jāān ko. Jejjo minit tokālik, juon likao ekar itok ilo iaļ eo tok, kappukot juon men. Ekar to̧o̧r mejān kōn dān in kōm̧jaļaaļ im paaktokin einwōt inepata. Kōm̧pānien eo aō im n̄an kōm̧ro kar jibadōkļo̧k e im kar jeļā ta eo ekar kappukote.
Kōm̧ro kar kōro̧o̧lļo̧k jāān eo n̄an e, im ekar kam̧m̧oolol kōm̧ro. Ekar ba bwe ej aikuji jāān eo n̄an kōļļāik an jikuuļ ilo kaļōj. Eļan̄n̄e eban, inaaj jab maron̄ in deļo̧n̄ im jikuuļ. Meja ekar obrak kōn dānin kōm̧jaļaaļ, im ikar ukweļo̧k kōn kōņaan eo aō kōn aō kar kōņaan kōjerbale jāān eo. Kōm̧ro kar bōk meļeļe ko kōn jikin jokwe meļeļe ko jet kōn e, im kōm̧ro kar maron̄ in katakin e im bar loe ļalem armej ro jet. Bon̄ōn̄ ņe, ikar kam̧m̧oolol e kōm̧pānien eo aō kōn waanjon̄ak eo an em̧m̧an.
Ijeļā bwe Anij ej kōjeraam̧m̧an kōj n̄e jej m̧ool. Ekar ejjeļo̧k kōjem̧ro m̧ōn̄ā n̄an m̧ōn̄ā bon̄ōn̄ eo, ak ijjab keememej aō etal im kiki ilo aō kar kwōle. Loe jāān ko ekar juon kōjeraam̧m̧an, āliktata.