Menin Aōrōk eo Ewāppen n̄an Ajeje
“Ilju elukkuun oktak,” rūkaki eo an Diego eaar ba. “Jenaaj kōm̧m̧an Kwaļo̧k im Kōmeļeļeiki!”
Diego eaar ettōn̄dikdik. Eaar lukkuun iakwe Kwaļōk im Kōmeļeļeiki! Eaar jab maron̄ kōttar n̄an an kwaļo̧k n̄an ro mōttan juon men eaorōk im oktak.
Mojin jikuuļ, Diego eba n̄an Jinen nuuj eo em̧m̧an.
“Ta eo imaron̄ bōke?” eaar kajjitōk.
“Juon men eo eaorōk ippem̧,” Jinen eaar ba.
“Imaron bōke Lobo!”
“Ij ļōmņak ejjab mālim ad ebbōk kidu n̄an jikin jikuuļ,” Jinen ekar ba. “Botaab elōn̄ bar menin aōrok komaron̄ kwaļo̧k kake.”
Ejjab to iien kappok menin aorok eo an Diego ekar ijjino! Eaar lo juon man̄ke kein ikkure. Enaaj ke bōk man̄ke eo? Diego eaar wōnm̧aanļo̧k wōt im kappok.
Eaar kappok likin jea ko ilo jikin m̧ōn̄ā eo. Eaar kappok ilo jikin bok eo. Ejjab maron̄ bōjrak m̧ae ien ej loe juon men eo e jejjōt.
Innām eaar lale iturin peet eo an. Eaar lo men eo e jejjōt tata!
Diego ekar ettor ļo̧k im ba n̄an Jinen. Eaar buuļ dapij menin aorōk eo ippān.
“Jinō!” eaar ba. “Lale! Iaar lo men in em̧m̧an tata.”
Eaar kwaļok juon pija jidrikdrik n̄an Jinen bwe en maron̄ loe. Eaar pija in Jisōs ke eaar juon ļadrik jidikdik. Eaar em̧m̧an an Diego en̄jake ke ej kalimjok pija eo. Ekar koņaan bwe ro mōttan ilo jikin jikuul ren bareinwot bok en̄jake in em̧m̧an.
“Men ņe ej juon men eaurok n̄an Kwaļok im Ba,” Jinen eaar ba. “Ta kwonaaj ba nan kilaaj eo am̧ kon Jisos?”
“Bwe aolep remaron̄ mōņōņō,” eaar ba. “Kinke Jisōs ej iakwe aolep!”