Kōkaļļe ko ilo Kallim̧ur Ekāāl
Kar kōnono jān Russell M. Nelson, , “In This Holy Land,” Tambuli, Pāp. 1991, 13, 17, 18.
Ilo kakobaba n̄an katak ko, jemaron̄ lo meļeļe eo ilo men ko, m̧anit, bwebwenato, im jikin ko ilo Kallim̧ur Ekāāl.
Pija ko jān Getty Images
Dān eo: “Reba Jordon eaar jikin eo Jisōs eaar kālete n̄an peptaij eo An jān Jon n̄an ‘kam̧ool em̧m̧an otemjej’ [Matu 3:15]. Ej aorōk bwe kain̄i in ekwojarjar eaar kōm̧m̧an ilo dān in aiboojoj eo enan̄in pijpij tata ilo laļ in? Emaron̄ ke kar jokālet juon jikin em̧m̧anļo̧k n̄an kōkaļļeik m̧wilaļ in ettā eo me Eaar ilo̧k im jān ijo Eaar jerkak?”
Toļ ko: “Toļ ko rejjab pidodo tallōn̄i. Innām, ilo ejja jekjek eo ej kōm̧m̧an kiiō, Irooj eaar kūr ro Rikaļooran n̄an tallin̄i toļ ko n̄an kalikkar kajoor in kijejeto im pokake eo. Enaaj kajjitōk ejja wōt kōn eok, ilo kōkaļļe im bōlen lukkuun, barāinwōt.”
Olive ko: “Jisōs eaar itok n̄an iuin Toļ Olive ko n̄an kadedeļo̧k m̧ōttan eo im̧aan tata an Pinmuur eo. Eaar kadedeļo̧k m̧ōttan eo im̧aan tata ilo Jikin Kallib Gethsemane. Naan eo Gethsemane ej itok jān ruo naan in Hibru: gath, meļeļe in “keeņe,” im shemen, meļeļe in “ooiļ,” eļaptata eo jān olive eo.
“Ijo olive ko raar keeņi ium̧win eddo eo an dōkā doulul ko n̄an un̄take ooiļ eo aorōk jāni. Ilo ejja jekjek in wōt Kraist ilo Jikin Kallib Gethsemane eaar ilo keidi keen ium̧win eddo eo an dekā eo an jerawiwi ko an laļ in. Eaar menokadu eļap pillilil in bōtōktōk—ooiļ in mour eo an—eo eaar to̧o̧rļo̧k jān aolep ron̄. (Lale Luk 22:44; K&B 19:18.)”
Ļat in Bar: “Debwāāl eo eaar bōk jikin ilo juon bat kar ņa etan Golgotha (Kajin Hibru) ak Calvary (Kajin Latin) meļeļe in ‘ļat in bar.’ Ļat in bar eo eaar kōkaļļe in mej. Ilo juon jikin āinwōt in, en̄taan in pinmuur eo eaar dedeļo̧k. Ioon debwāāl eo, Rilo̧mo̧o̧r eo an laļ in kar kotak ilōn̄ in mej ilo wōj eo eļaptata an aorōk—meļeļe eo im m̧ool eo an kajoor eo an Irooj ioon mej.”