O Le Vavega

Upu ma le fati na saunia e Shawna Belt Edwards

Mālū

Ata

The Miracle

Sa savali Iesu i le vai.
Sa Ia vavao le āfa ma le sami.
Sa faamalolo le lepela e Ona aao.
Sa faamalolo pipili, ma tauaso.
Sa Ia fafaga le motu o tagata i areto.
Le afafine o le pule na oti,
Na Ia faatu o ia mai le oti!
O Iesu o se Atua o Vavega;
Leai se mea e faigata ia te Ia.
Ua ou iloa lena mea:
Silisili ona maofa, o Ana vavega
Na lavea’i ai lo’u ola!

Na maliu Iesu mo a’u—
Se tau e le mafai na ou tauia.
Ina ua Ia toetu, 
Na Ia aumai Le mealofa sili i le lalolagi!
Ioe, e faamagaloina a’u pe a ou salamo,
Na te sii a’e a’u i se aso e toe mafuta ma Ia.
O lesu o se Atua o Vavega;
Leai se mea e faigata ia te Ia.
Ua ou iloa lena mea:
Silisili ona maofa o Ana vavega
Na lavea’i ai lo’u ola,
Le vavega na lavea’i ai o tatou ola!