Kacivaki e Vitu na Valetabu Vou

Ena tara na valetabu e Salta, Argentina; Bengaluru, Idia; Managua, Nicaragua; Cagayan de Oro, Yatu Filipaini; Layton, Utah, Amerika; Richmond, Virginia, Amerika; kei na dua na koro levu se bera ni vakatulewataki e Rusia, a kacivaka o Peresitedi Russell M. Nelson ena mua ni soqoni ena yakavi ni Sigatabu ni koniferedi raraba.

Ni vakarau me caka na koniferedi, eratou a kacivaka na Mataveiliutaki Taumada ni sa na vakatabui na Valetabu e Roma Itali ena Sigatabu, 10 ni Maji, 2019, ki na Sigatabu, 17 ni Maji, 2019. A vakaraitaka talega na Lotu e dua na ivakatakarakara vakadroini ni Valetabu e Bangkok Thailand.

Ena Okotova ni 2017, a kelivaki kina na qele ni Valetabu mai Port-au-Prince Haiti; na Valetabu mai Meridian Idaho a vakatabui ena Noveba 2017; kei na Valetabu mai Cedar City Utah (Amerika) a vakatabui ena Tiseba 2017.

E rua na valetabu sa voleka ni vakatabui tale: na Valetabu e Houston Texas ena Sigatabu, 22 ni Epereli, 2018, ni oti na kena vakavinakataki ena vuku ni waluvu; kei na Valetabu e Jordan River Utah ena Sigatabu, 20 ni Me, 2018, ni oti na kena vakavoutaki. Kei na rua tale na valetabu ena vakatabui ena mua ni yabaki oqo: na Valetabu e Concepción Chile ena Sigatabu, 28 ni Okotova, 2018; kei na Valetabu e Barranquilla Colombia ena Sigatabu, 9 ni Tiseba, 2018.

Ena sogo na Valetabu e Hamilton Niu Siladi ena Julai 2018 ena dua na cakacaka levu ni kena vakavoui ka na vakatabui tale ena 2021.

Sa 159 na valetabu e vakayagataki tiko ena gauna oqo e vuravura, ka 30 na valetabu era sa kacivaki se sa tara tiko.