Lisa L. Harkness

iMatai ni Daunivakasala, Mataveiliutaki Raraba ni Lalai

Lisa L. Harkness

E dau taleitaka tu ga o Lisa L. Harkness na vulika kei na vuravura wavoliti koya, e dua na ka a taura mai vei rau nona itubutubu. A vulica na vakadidike vakapolitiki ka vulica sara talega me qarava na manumanu dolo ni a cakacaka voli ena valeniyaya makawa na Monte L. Bean Life Science ena nona gauna ena Univesiti na Brigham Young University—oka kina na gata.

“E tu na nodra ivukivuki ni bula, vakabauta se sega,” e kaya o koya. “E tiko e dua e dau kilai au e veigauna kece niu tauri koya.” O Howard, e dua na gata bui-damu, dau qasiva cake na tabana, wavivigi koya e domona, ka vakailokoloko e uluna ni vakavulici ira tiko na ilawalawa era dau lako yani.

Ena gauna oqo, se rawa tikoga ni dau tomika cake ka kila na duidui mataqali gata—me ra kua ga ni vakasiusiutaki koya.

A sucu o Sister Harkness e Los Angeles, California, Amerika, vei rau o Ronald kei LaRae Long ena 13 ni Janueri, 1965. E qase duadua vei iratou e lima na gone, o koya kei iratou nona matavuvale eratou “dau sasaga ka, ni ratou tiko e tautuba, ka dikeva na vuravura.” E kaya o koya baleta ni dau rawa vua me tarogi rau nona itubutubu, “Ena noqu vakabauta kei na vakanuinui taucoko ni rawa niu lako vei Tamada Vakalomalagi ka saumi mai noqu taro.”

Ni oti na veiqaravi ena dua na tabana ni kaulotu vosa vakasipeni ena Tabana ni Kaulotu na Louisiana Baton Rouge, a tauri ivola mai BYU o Sisita Harkness e dua na diqiri ni bejila ena didike vakapolitiki kei na veivakavulici ena ikarua ni tabavuli. E vakamautaki David S. Harkness ena ika 22 ni Epereli, 1988, ena Valetabu e Salt Lake. E lima na luvedrau ka rua na makubudrau.

O Sister Harkness—ka a kacivi me iMatai ni Daunivakasala ena Mataveiliutaki Raraba ni Lalai ena 31 ni Maji, 2018—sa veiqaravi oti talega ena matabose raraba ni Lalai, peresitedi ni Goneyalewa ena iteki, peresitedi ni iSoqosoqo ni Veivukei ena tabanalevu, daunivakasala ni mataveiliutaki ni Goneyalewa ena tabanalevu, dauvakasala ni Leba, dairekita ni keba ena Goneyalewa, dairekita ni tuvakawa ena iteki, daunituvakawa ena tabanalevu, ka qasenivuli ni iVakavuvuli ni Kosipeli.

Sa dau voladia talega ena isoqosoqo ni itubutubu-qasenivuli, matabose ni itikotiko, ena Mataivakatagi e Utah, kei na Soqo ni Talanoa e Timpanogos, vakakina ena matanitu vakaitikotiko ena veitutu eso.