Elder David P. Homer
Vakaitutu Raraba ena Vitusagavulu
E dua na lewe taumada ni vakanananu nei Elder David P. Homer me baleta na kosipeli sai koya nona lesi ena gauna e yabaki 14 kina me itokani ni veituberi vakavuvale kei na dua ena nona tabanalevu ka a “muria e dua na iwalewale matalia ni veituberi vakavuvale,” e kaya o Elder Homer. “E sega ni baleta na curuma nodra veivale ka sikovi ira na tamata; e baleta na qarava nodra leqa.”
Vakaveitokani, erau na masumasu ka veivosakitaka na veimatavuvale e lesi vei rau, sega me vaka e dua na qase vua e dua na itabagone ia me vaka na veitokani ena veiqaravi ni matabete. “Au vulica ni Yalo e dau yaco mai ka veiwekani vata kei na veiqaravi,” e kaya o Elder Homer.
Sa dei tu vua na lesoni oya ena nona bula taucoko kei na veiqaravi e salavata kaya ena Lotu, ni veiqaravi vaka-Vitusagavulu ni iWasewase, iliuliu ni isususu, se kenadau ni papa ni itukutuku—e dua na veikacivi erau a qarava kei watina ni rau vakaitikotiko e Malevani, Ositerelia.
A sucu o David Paul Homer ena 25 ni Epereli, 1961, e Salt Lake City, Utah, Amerika, vei rau o Frederick kei Phyllis LeNila Homer. Ni oti nona kaulotu e Hong Kong mai na 1980 ki na 1982, erau a sota kei Nancy Dransfield, ka a taurivola mai na Brigham Young University, ena dua na yasanibuka ni inisitute e Salt Lake City, na vanua a cakacaka tiko kina ka tauri kalasi voli ena University of Utah. Erau a vauci ena Valetabu mai Salt Lake ena ika 31 ni Julai, 1984. Erau a susuga e lima na luvedrau yalewa ka dua na tagane.
A ciqoma o Elder Homer e dua na bejila diqiri ni veika vakailavo mai na University of Utah kei na dua na masita diqiri ena liutaki bisinisi mai na Wharton School ena University of Pennsylvania.
Ena 30 na yabaki ni nona bula vakacakacaka iliuliu ena General Mills, erau a vakaitikotiko kei na watina mai Miami, Florida, USA; Minneapolis, Minnesota, Amerika; Burlington, Ontario, Canada; kei Saint-Sulpice, Vaud, Switzerland.
Sa veiqaravi oti o Elder Homer vakaperesitedi ni iteki, bisopi, peresitedi ni kuoramu ni italatala qase, ka sekeriteri liu ni tabanalevu. Ni Vitusagavulu ni iWasewase a tekivuna nona veiqaravi e Canada ka la‘ki tomana e Iurope, ka a veiqaravi kina ena va na yabaki sa oti ni se bera ni tokoni me Vakaitutu Raraba ena Vitusagavulu ena 31 ni Maji, 2018.