Elder Kyle S. McKay
Vakaitutu Raraba ena Vitusagavulu
E taudaku ni nona matavuvale kei na Lotu, nona ka taleitaki duadua o Elder Kyle S. McKay oya na vodoka nona ose ena veiulunivanua.
“E sega ni noqu lotu,” e kaya o koya, “ia e sega ni dua na kena lomatarotaro ni sa vaqaqacotaka noqu [vakabauta]. Au dau sikova e veigauna na ulunivanua ni Turaga kei na ulunivanua ni nona vale na Turaga. Dau sotavi au o Koya ena vanua ruarua oqori.”
E dau vakatauvatana o Elder McKay na veiulunivanua e delai Huntsville e Utah, Amerika, ki na wai kei na veikau i Momani kei na kena bibi vei ira na tamata i Alama—sai koya na vanua, ena nona gauna ni itabagone, a mai kila kina nona Dauveivueti.
A sucu o Elder McKay ena 14 ni Feperueri, 1960, e Chicago, Illinois, Amerika, vei rau o Barrie Gunn McKay kei Elaine Stirland McKay, ka vakavinavinakataka okoya ni rau taracake na nona bula me yaco mai nikua.
A cegu mai vakalailai ena vuli mai Brigham Young University ena 1979 me la‘ki daukaulotu tudei ena tabana ni kaulotu e Kobe, Japani. Ni oti vakalailai nona lesu mai na kaulotu me mai vakaotia nona koroi ena vosa Vakavalagi, a sotavi Jennifer Stone ka se qai lesu walega mai na Tabana ni Kaulotu na England Bristol. A vulica tale tikoga o koya na vosa Vakavalagi. Erau a vakamau na lewe rua ena Valetabu na Oakland California ena 12 ni June, 1984.
Ni itakele ni nona bula na matavuvale, e kaya o Elder McKay, ni o koya kei Sisita McKay erau rawata nodrau reki levu duadua mai vei ira nodrau kawa. Ni ratou vakaitikotiko na McKay mai Kaysville, Utah, Amerika, erau dau gade e veigauna vei iratou na luvedrau e ciwa mai Huntsville, na vanua era tawavanua kina nona qase ena itekivu ni 1860 vakacaca.
A taura o Elder McKay nona koroi ni doketa ni lawa ena 1987 mai na koronivuli ni Lawa na J. Reuben Clark School ena BYU ka ciqoma sara e dua na cakacaka ena dua na kabani levu ni loya mai Portland, Oregon, Amerika. A qai lesu tale mai ki Utah me tovolea e dua na madigi ena dua tale na kabani ni loya ni bera ni qai ciqoma e dua na itutu ena Kabani na Kroger. A cakacaka vaka ivukevuke ni peresitedi ena Smith’s kei na Fry’s, e rua na iwasewase ni Kroger e Utah kei Arizona, Amerika, mai na 2000 ki na 2017.
Sa veiqaravi oti o Elder McKay vakabisopi, lewe ni matabose e cake, peresitedi ni iteki, ka Vitusagavulu ni iWasewase.