E mafai faapefea ona ou iloa pe ua ou salamo atoatoa?

Na aoao mai e Elder D. Todd Christofferson o le Korama a Aposetolo e Toasefululua, “o le uiga o le salamo o le taumafai lea ina ia suia” ma o le “suiga moni atonu e manaomia ai le taumafai pea lava pea.” Sa ia saunoa foi “ina ia atoatoa lo tatou liliu atu i le Alii, e tatau ona aofia ai ia le le itiiti ifo o le feagaiga o le usiusitai ia te Ia,” o loo maua i le feagaiga o le papatisoga ma le faamanatuga (“O le Meaalofa Paia o le Salamo,” Liahona, Nov. 2011, 39). O le uiga foi o le salamo atoatoa o le faaleleia lea o se mea sese sa e faia i isi. I le ma lea, na fetalai mai le Alii o le tagata ua atoatoa ona salamo i ana agasala “o le a ta’uta’u atu ma lafoaia ia mea” (MF&F 58:43). E ao ona e tautau atu agasala uma i le Tama Faalelagi ma agasala matuia foi i lau epikopo. (Afai e le mautinoa, talanoa i lau epikopo. Ua iai o ia e fesoasoani atu.)

A maea ona faia o ia mea, o le auala e iloa ai ua atoatoa ona e salamo o le vaai ma lagona le aafiaga o le salamo—suiga i ou naunautaiga, lagona, vaaiga, vafaalesootaiga, ma amioga. Ma, e silisili ona taua, o le salamo atoatoa o le a maua ai le mafutaga o le Agaga Paia.