Tuusao i le Mataupu
O le filifilia o se toalua o se faaiuga tele, ma ua fai ma mea ou te popole ai. E faapefea ona ou iloa ua ou faia le filifiliga sao?
O le filifilia o se tasi e faaipoipo i ai o se mea e aafia ai lou fiafia i lenei olaga ma i le faavavau. Ae e le tatau ona mafua ai ona maua oe i le ituaiga o popolega e oo ai lava ina e tigaina ai. E mafai ona e maua le filemu ma le olioli i lau faaiuga pe a e tausi i poloaiga ma mulimuli i fautuaga lelei. O nisi nei o mea na aoao mai pea lava pea e taitai o le Ekalesia e faatatau i lenei mea:
E tele naua filifiliga gafatia “sao” e mafai ona e faaipoipo i ai. Ia iloa ni tagata se toatele. Faamasani ma tagata o i ai tulaga faatauaina maualuluga. Ola agavaa. A o e talavou matua, faauo i ituaiga tagata e mafai ona tou o i le malumalu. O se soa tumau filifilia o se tasi e te iloa lelei lava e te lua osia faatasi le feagaiga ma le Tama Faalelagi. Saili fautuaga mai ou matua. “E ao ina e suesue i ai i lou mafaufau” ona e “ole atu lea i le [Atua] pe ua sao lea” (MF&F 9:8). O le faamaoniga e te maua e ono oo mai i le tele o auala, ae o le isi tagata e tatau foi ona ia maua se faamaoniga. A oulua tuuto loa o le tasi i le isi, ona oulua galulue loa lea e avea ma se “uo mamae” o le tasi ma le isi.