Ipadan-ag ang Inyong Kahayag
Pagpakigbahin og mga Gasa
Olá! Ang akong pangalan mao si Alice, ug misulay ko sa PAGPADAN-AG SA AKONG KAHAYAG pinaagi sa PAGPAKITA OG PAGPASALAMAT!
1. Pagtugtog og mga Himno
Nagpuyo ko sa Brazil uban sa akong mga ginikanan ug igsoong babaye ug lalaki. Ang akong igsoong babaye nga si Julia ug ako motugtog og piano para sa among sakrament miting sa among ward.
2. Usa ka Wala Damha nga Gasa
Usa ka Dominggo, dunay tawo nga ginganlan og Brother Stahlke ang mihatag kanamo og regalo. Miingon siya nga usa kini ka gasa aron sa pagpasalamat kanamo alang sa musika nga among gitugtog ma-Dominggo. Sa dihang giablihan namo ang kahon, nakita namo sa sulod ang usa ka espesyal nga matang sa flute! Giandam nako ang flute ug misugod sa pagtugtog. Ganahan kaayo ko sa tingog nga nahimo sa flute.
3. Pagbalus
Sa wala madugay nagsugod ko sa pagtugtog og mga himno gamit ang flute. Gusto kong dunay himoon aron mapasalamatan si Brother Stahlke sa gasa. Mao nga gipraktisan nako ang himno nga “How Great the Wisdom and the Love” (Hymns, nu. 195). Gihangyo nako ang akong papa nga dad-on ko ngadto sa balay ni Brother Stahlke aron akong mapakita kaniya nga ang iyang gasa nakatabang kanako nga makadiskubre og bag-ong talento.
4. Usa ka Espesyal nga Damgo
Sa dihang mitugtog ko para ni Brother Stahlke, malipayon ug emosyonal kaayo siya. Giingnan ko niya nga nagdamgo siya bahin niining himno sa miaging gabii! Gibati nako ang gugma sa Dios alang kaniya ug alang kanako.
Malipayong mga Pagbati
Kon mopakita kita og pagpasalamat, panalanginan kita sa Ginoo og malipayong mga pagbati gikan sa Espiritu Santo.