O Lea Mataupu ma Lea Mataupu
Mataupu Faavae ma Feagaiga 19:23
Sa faaali atu e le Alii ia Iosefa Samita ni ki i le mauaina o le filemu ia Iesu Keriso.
23 Aoao mai ia te aʼu, ma faalogo mai i aʼu upu; savali i le agamalu o loʼu Agaga, ma o le a e maua ai le filemu ia te aʼu.
Aoao mai ia te a’u
“Ua tatou iloa o lenei “aoao ua maliu mai mai le Atua”2] sa sili atu nai lo na o se faiaoga. O Ia na aoaoina i tatou e alofa i le Alii lo tatou Atua ma o tatou loto atoa, o tatou agaga atoa, lo tatou malosi atoa, ma o tatou mafaufau atoa, ma alofa i o tatou tuaoi e pei o i tatou lava, o le Faiaoga Sili ma le Faataitaiga o le olaga atoatoa. …
“Pe a tatou tali atu i le valaaulia agamalu a le Alii, ‘Aoao mai ia te au,’ e avea i tatou ma e ua tofusia i Lona mana paia.”
Peresitene Thomas S. Monson, “Faaaoao ia te Au,” Liahona, Mat. 2016, 4, 6.
Faalogo mai i a’u upu
E taua le faalogo i le atiaeina o le faatuatua ia Iesu Keriso. “E tupu le faatuatua i le taulogologo atu, o le taulogologo atu foi o i le afioga a le Atua lea” (Roma 10:17).
“E tatau ona aoao fanau a le Atua ia faalogo, ona faalogo lea ina ia aoao mai le Alii” (Peresitene Russell M. Nelson, Peresitene o le Korama a Aposetolo e Toasefululua, “Listen to Learn,” Ensign, Me 1991, 24).
Savali
O le aoao ma faalogo e taua ina ia mulimuli moni ai ia Iesu Keriso. Ae e le lava pe a na o i laua. E tatau foi ona tatou savavali, pe amioai, e tusa ai ma mea tatou te aoao ma faalogo i ai.
“O le taimi sao lava taimi uma e savali ai i Lona ala. E le faapea lava ua tuai” (Peresitene Dieter F. Uchtdorf, Fesoasoani Lua i le Au Peresitene Sili, “O Le Ala o le Soo,” Liahona, Me 2009, 78).
Agamalu
O le agamalu e aofia ai le “onosai i faigata” (Guide to the Scriptures, “Meek, Meekness,” scriptures.lds.org). A tatou tumau ma le agamalu i o tatou tofotofoga e aunoa ma le le fiafia i le Atua, e le gata o le a tatou liua, ae o le a Ia faamalolo foi i tatou (tagai MF&F 112:13).
Lou Agaga
O le agamalu e aumaia “le asiasiga a le Agaga Paia” (Moronae 8:26) ma o le “fua o le Agaga” (tagai Kalatia 5:22–23).
Filemu ia te au
“E le maua le filemu i le mauaina o se tamaoaiga tele, malosi, po o le lauiloa. E le maua le filemu i le tulitulimatagauina po o le sailia o mea faamalieloto, faafiafiaga, po o mea faapasitaimi. E le mafai e se mea o nei mea, tusa lava pe ua faula’i, ona maua ai se fiafia tumau po o se filemu.
“… O le Faaola … o le punavai ma le tufuga o le filemu. O Ia o le “Alii o le filemu” (Isaia 9:6].”
Elder Quentin L. Cook o le Korama a Aposetolo e Toasefululua, “Filemu o le Tagata Lava Ia: O Le Taui Lea o le Amiotonu,” Liahona, Me 2013, 34.