Faasusulu Atu Lou Malamalama
Fefaasoaai Meaai Māmā ma Ataata
O i ma’ua o Sam ma Anastasia, ma e ma te taumafai e FAASUSULU ATU LO MA’UA MALAMALAMA i le fefaasoaai atu ma isi!
E Mafai Faapefea Ona Tatou Fesoasoani Atu?
O le mea lea ma te nonofo ai, i Florida, ISA, ma te vaai i le tele o tagata e leai ni fale. Sa ma mafaufau pe faapefea ona ma fesoasoani ia i latou. Sa fafaga e Iesu tagata o e sa fia aai, ma e tatau ona aai tagata uma! O lea sa ma fuafua ai loa e faia ni pusa meaai māmā mo faalavelave faafuasei.
Faatauina o Sapalai
Sa fesoasoani le ma uo o Joa ia i ma’ua e faatau sapalai i le faleoloa e talā le tau.
Faia o Pusa Meaai
Sa matou tuuina i ai pa granola, falaoa laau e i ai le susu, ma isi meaai mananaia i a matou pusa meaai. Sa faataitai foi e Sam se tasi!
Manaia!
O le faasoaina atu o a matou pusa meaai matou te ataata ai. Na fai mai nisi tagata, “Faafetai!” ma le “Manaia!”
Tele Nisi Pusa Meaai
Na tuu e lo ma tina le galuega faatino i luga o le initoneti, ma sa iloa e le paranesi a le autalavou nofofua matutua. Sa latou faia nisi pusa meaai e 100 mo le nofoaga o tagata e leai ni fale i lo matou lotoifale. Sa faaaoga e le nofoaga i latou e valaaulia ai tagata e lesitala mo se polokalama e fesoasoani ia i latou ina a maua ni fale. Sa matua faafiafiaina i matou e lena mea!