O Ata o le Faatuatua
Amanda Jiri
Cape Town, Aferika i Saute
A o amata ona faigata le olaga i tausaga talavou o Amanda, sa ia aluese mai le Ekalesia ma saili mo ni aafiaga fou. Ina ua mavae le tele o tausaga, sa lagona e Amanda le gaogao O le mauaina o le fiafia na amata i se fesili taua.
Cody Bell, le pueata
Sa papatiso lo’u aiga i le 1993. Na tetea ou matua i le tele o tausaga mulimuli ane, ma na auauai lemu lava ona o ese o’u tei e toatolu mai le Ekalesia. I le 1998, a o ou i ai i le vasega 11, sa ou le toe auai foi.
Sa ou folafola ia te au lava ia o le a ou faataitai i ni mea fou ma saili atu i isi ekalesia. Sa ou mauaina ni valaaulia se tele mai uo e o i a latou lotu, ae ou te lei alu soo. E lei faapea ona sa ou lagonaina pea se sootaga i le Ekalesia. O nai mafuaaga ese lava, sa i ai nisi mea na faalavelave i le ala. A le o lou le ala i luga, pe sa i ai nisi au fuafuaga, pe sa ou faia foi ni alofaga.
Sa ou le toe toaga i le lotu mo le pe a ma le valu tausaga. I le faagasologa o lenei taimi, sa ou faauo atu i ni uo sese. Sa matuai tigaina le ma’i o lou tina. Sa ou faanoanoa. Sa ou lagona le leai o se faamoemoe. Sa amata ona ou mafaufau, “O le a le taimi mulimuli lava sa ou fiafia moni ai?”
A e tagai i lo’u olaga mai fafo atu atonu o le a e faapea, “Oka se manaia o lona olaga!” Sa ou faasiomiaina au lava i tagata iloga ma faafoliga sa manaia le olaga. Ae sa ou lagona pea le gaogao ma le le atoatoa.
Ona ou mafaufau lea i le taimi sa ou i ai i Tamaitai Talavou. Sa ou iloaina o le taimi mulimuli lena sa ou lagona ai le fiafia moni. Sa ou fuafua ia toe foi i le lotu i le Aso Sa a sau. Sa ou feiloai ma le peresitene o le paranesi ma amata la’u faigamalaga o le salamo.
I se taimi puupuu mulimuli ane, sa valaauina au e galulue ma Tamaitai Talavou. Ina ua matou taulotoina le autu a Tamaitai Talavou, na vave lava ona ou manatuaina! I le asō, o taimi uma lava ou te tauloto ai le autu, ou te mauaina se faamaoniga faapea o le Ekalesia o le nofoaga lea e tatau ona ou i ai.