O Leo o Le Au Paia o Aso e Gata Ai
Tausiaina o Lau Pepe ua Mai ma Lou Valaauga
Ina ua valaau au e galue o se fesoasoani i le faalapotopotoga o Tamaitai Talavou i lau uarota, sa ou taliaina le valaauga, ae sa ou popole e uiga i le auala e faia ai. Sa ou lagona le le saunia, ma sa ou tauivi ma se tofotofoga.
E tolu masina a o lei mauaina lenei valaauga, i le mavae ai o se maitaga e ogaoga tulaga lamatia, sa fanau mai lau pepe tama, o Nikolai. Sa ia manaomia le tausiga faafomai faifai pea. I ni nai vaiaso i le mavae ai o lona fanau mai, sa i ai se vaega mumu i luga o lona mata ma amata ona tuputupu ae lemu. Sa faamatala mai e lo matou fomai o se tuma [tumor] o le benign e le lamatia ma e aluese pe a mavae le tasi tausaga o Nikolai. Ae sa vave le tuputupu ae o le tuma [tumor] Sa i ai i lona mata ma e iu lava na leaga tumau ai lona vaai pe a le togafitia.
Sa ma faia le faaiuga faigata e amata togafitiga e foia ai. Sa lei tali atu le tino vaivai o Nikolai i togafitiga. Sa ia fiva i aso uma, siama faifai pea, ma le maualalo o le mamafa. O le faagasologa na tagi soo ai o ia. Sa amata ona faigata ma sili atu ona faigata le faataunuuina o lou valaauga i nei tulaga. Ou te le iloa pe faapefea ona ou faia.
Faafetai ai, na lagolagoina au e lou toalua. Sa ma lagona faatasi le tatau ona faaauau pea. Sa lagolagoina foi au e le peresitene o Tamaitai Talavou. O ia o se uso faamaoni ma onosai. Sa ia fesoasoani ia te au e vaai i tulaga lelei ou te iloa sa ou maua ma fesoasoani ia te au e saili auala ou te auauna ai ou te lei mafaufauina.
O le i ai ma tamaitai talavou i vaiaso taitasi na fesoasoani ia te au ia aua nei taulai i tui, suesuega, ma fomai. Sa taofia au mai le maumau o le taimi e lagona faanoanoa ai mo au lava po o le fesiligia pe aisea na tupu ai lenei mea i lau agelu laitiiti. O lou valaauga, sa o se faamanuiaga, ma ae ou te lei iloaina, sa tuputupu ae Nikolai ma na foia togafitiga. Sa amata ona avea Nikolai ma se tamaitiiti fiafia ma maloloina lea sa faatumulia i le malosi.
O le auauna atu i na afafine lototoa a lo tatou tama Faalelagi na fesoasoani ia te au e faatoilalo lagona o le le atoatoa, atiae sootaga faaleuo e faavavau, iloa au taleni, ma faaleleia ou tiutetauave o se tina ma se ava.
E le aveesea i taimi e le Alii tofotofoga mai ia i tatou, ae ua ou iloa ma lou loto atoa e naunau pea o Ia e fesoasoani ia i tatou ia maua le malosi e feagai ai mai latou.