Autalavou
Filifili e Salamo
Ua faamatala mai e Peresitene Monson e faapea “o la tatou tiutetauave o le siitia lea mai le faaleogolua i se tagata tauivi, mai le toilalo i le faamanuiaina. O la tatou galuega o le avea ma tagata silisili.” E toatele tagata e tuuto atu Ianuari e faia ai ni sini ma ni iloiloga o le alualu i luma: ia ataata atili, ai meaai paleni, po o le aoao se tomai fou. E ui o nei sini e mafai ona fesoasoani ia te oe ia sui ai mo le lelei sili atu, o le auala silisili e sui ai e ala lea i le salamo.
E ui e faigata le salamo, ae o se meaalofa! A tatou faalagolago ia Iesu Keriso e ala i le salamo i a tatou agasala, e mafai ona tatou tuputupu ae ma alualu i luma. Na saunoa mai Peresitene Monson, “E taua i le fuafuaga [o le faaolataga] o lo tatou Faaola, o Iesu Keriso. Ana le aunoa ma Lana taulaga togiola, semanu e leiloloa tagata uma.” E ala i le salamo, e mafai ona e mama mai i au agasala ma alualu i luma ia avea atili e pei o Ia.
Mafaufau i se mea o ono taofia oe mai le avea e pei o le Faaola. E le o lau gagana? Le auala o loo e taulima ai au uo po o le aiga? A maea ona e mafaufau i mea e mafai ona e faaleleia, tatalo i le Tama Faalelagi ma faailoa atu lou naunautai e sui. Ia manatua e ala i le mana o Lana Togiola, e mafai e Iesu Keriso ona fesoasoani ia te oe e faatoilalo lou vaivaiga. E pei ona aoao mai Peresitene Monson, “O le meaalofa o le salamo, lea na tuuina mai e le Faaola, ua mafai ai e i tatou ona faasaoina le faatulagaga o lo tatou ala.”