Feiā ’āpī
Te ha’amana’oraa i te Fatu i te mau mahana ato’a
Te mau hoa, te ’ohipa fare, te ’ohipa ha’api’ira’a, te ’āfata teata—e rave rahi mea e hinaaro nei ’ia tāu’a atu tātou. Terā rā, i te mau hepetoma ato’a tē fafau nei tātou i te Metua i te Ao ra ē, « e ha’amana’o noa [tātou] [i tāna Tamaiti ’o Iesu Mesia] » (PH&PF 20:79).
Tē parau nei te peresideni Eyring ē, e nehenehe tā tātou « e rave i te mau mā’itira’a i te mau mahana ato’a » ’o te tauturu ia tātou ’ia ha’amana’o i te Fa’aora. ’A feruri na ’ia rave i te hō’ē ōpuara’a i teie ’āva’e nō te ha’amana’o i te Fa’aora i te mahana tāta’itahi. E nehenehe tā ’outou e hāmani i te hō’ē tārena ’e ’ia fafau e rave i te hō’ē ’ohipa i te mahana hō’ē nō te patu i tō ’outou autā’atira’a ’e ’ōna. ’Ua tāpura te peresideni Eyring i te mau ’ohipa mai te tai’ora’a i te mau pāpa’ira’a mo’a, te purera’a ma te fa’aro’o, ’e te tāvinira’a i te Fa’aora ’e ’ia vetahi ’ē. Tē vai ato’a ra te pāpa’ira’a i te ’ā’amu, te haerera’a i te mau purera’a a te ’Ēkālesia, te fa’aro’ora’a i te ’āmuira’a rahi, te haerera’a i te hiero, te hīmenera’a i te mau hīmene—’e tē vai atu ra ! Mai te mea ē, e ha’amana’o tātou i te Fa’aora i te mau mahana ato’a, ’ua fafau mai te peresideni Eyring ē, « e tae marū noa mai te mau ha’amaita’ira’a ma te pāpū… [’e] e tarai te reira ia ’outou ’ia riro mai ’ei mau pipi mau nā te Fatu Iesu Mesia ».