Afai ou te le o toe matamata na o a’u i ponokalafi, e tatau lava la ona ou talanoa i le epikopo?
Afai o loo e matamata i ponokalafi, ua uunaia oe ina ia “saili le fesoasoani e te manaomia. E mafai e ou matua ma lou epikopo ona fesoasoani ia te oe ia faia laasaga talafeagai ia salamo ai ma tafiesea ai mai ia te oe lenei mausa faataumaoi” (Mo le Malosi o le Autalavou [2011], 12).
Afai e te le o toe matamata i ponokalafi na o oe, o le fesili e le o faapea pe faamata e “tatau” ona e talanoa i lou epikopo e uiga i ai pe leai. O le fesili moni lava “Aisea e le talanoa ai i la’u epikopo?” E leai lava se mea e leaga ai. O le a ia malamalama ma faamalosiau, ma o le a fiafia o ia i taumafaiga ua e faia e lafoai ai au agasala ua mavae. E mafai ona fesoasoani le epikopo ia te oe e foia soo se masalosaloga faaumiumi atonu o i ai ia te oe e faatatau i lou agavaa ma le maeaea lelei o lou salamo. Ma e mafai ona ia fesoasoani ia te oe e faamalosia lou faatuatua ma le faalagolago ia Iesu Keriso ma Lana taulaga togiola. Mo mafuaaga faapena, e tatau foi ona e fuafua e talanoa i ou matua.