Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“Ola Tutoatasi ma le Aoaoina o le Talalelei,” itulau e 42: Ina ia faapupulaina le taua o le mauaina o lou lava malamalama faaleagaga, mafaufau i lenei gaoioiga. Tape moli ma fai atu i tagata o le aiga e tusi se ata. Fai i se tasi e i ai se moliuila po o se moligao e faaaoga mo na o a latou lava ata. A mavae ni nai minute, toe ki le moli. Talanoa i le eseesega i le mafai ona faamaeaina o le galuega ona talanoa lea o mataupu faavae o loo maua i le tusiga.
“Avea e Pei o Sepulona,”“Avea e Pei o Sepulona,” itulau 73: O ai au tagata e sili ona e fiafia i ai i tusitusiga paia? Mafaufau e fai “faatino ma taumate” po o “ata o le mau.” Faatino se tala mai tusitusiga paia pe tusi e aunoa ma le faaaogaina o ni upu i luga o se fasi pepa. Fai i tagata o le aiga e mate le tala mai tusitusiga paia po o tagata o loo auai. E mafai ona faitau e uiga i nei tagata i tusitusiga paia ma talanoaina pe aisea e te faamemelo ai ia te i latou. O a a latou aga e te manao e atiina ae?