Taumuʻa ʻo e Fineʻofá

Kuo fakafoʻou ʻe he Fineʻofá ʻa e fakalea ʻi hono taumuʻá. ʻOku peheni ʻi he taimí ni, “ʻOku tokoni ʻa e Fineʻofá ke teuteuʻi e kakai fefiné ki he ngaahi tāpuaki ʻo e moʻui taʻengatá, ʻi heʻenau fakatupulaki e tui ki he Tamai Hēvaní mo Sīsū Kalaisi pea mo ʻEne Fakaleleí; fakamālohia e fakafoʻituituí, fāmilí, mo e ngaahi ʻapí ʻo fakafou ʻi he ngaahi ouaú mo e ngaahi fuakavá; pea ngāue ʻi he uouongataha ke tokoniʻi kinautolu ʻoku faingataʻaʻiá.”

ʻOku fakafōtunga ʻe he fakamatalá ha ngaahi ʻilo makehe ʻe tokoni ke mahino ki he kakai fefine ʻo e Kau Māʻoniʻoni ʻi he Ngaahi ʻAho Kimui Ní ʻa honau tuʻunga fakalangí, ngāue taʻengatá, pea pehē ki he taumuʻa ʻo e fefine takitaha ʻi he Fineʻofá.