Kau Faifekau Lelei Ange, Kau Faiako Lelei Ange

Naʻe maʻu ʻe ha kau ʻeletā mo ha kau sisitā ʻe toko 71,000 ʻi ha misiona ʻe 422, ha ako ki he founga ke hoko ai ko ha kau faifekau mo ha kau faiako lelei angé, ʻi ha fakamafola fakamāmani lahi. Naʻe fanongonongo ha ngaahi liliu ne fakangofua ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá, ko ha konga ʻo e akó. ʻE fakafaingofuaʻi ʻe ha taimi tēpile fakaʻaho foʻou ʻa e founga hono fakaʻaongaʻi ʻe he kau faifekaú honau taimí pea mo filioʻi lahi ange ʻo fakatatau ki he feituʻu ʻoku nau ngāue aí.

Ko e taumuʻa ʻo e taimi tēpile faingofua angé ke tokoniʻi e kau faifekaú ke toe fakalakalaka ange ʻenau ngāue lelei fakaʻahó, fokotuʻu ha ngaahi taumuʻa fakalaumālie lahi ange, palani lelei ange, moʻui lelei ange, mo fakaʻaongaʻi ʻenau tauʻatāina ke filí ke fai ha ngaahi fili angatonu fekauʻaki mo e founga lelei taha ke fakaʻaongaʻi ai honau taimí. Te ne ngaohi kinautolu ke nau ngāue ʻo lōloa ange.

Ko e liliu ʻe tahá ko hono holoki e lahi ʻo e “ngaahi key indicator” ʻoku fakaʻaongaʻi ʻe he kau faifekaú ke lipooti ʻaki ʻa e fakalakalaka ʻi heʻenau ngāué. Naʻe fakamanatu ki he kau faifekaú, ʻoku mahuʻinga pea ʻoku totonu ke fakaʻaongaʻi ʻa e ngaahi tefitoʻi moʻoni kotoa pē ʻi he Malangaʻaki ʻEku Ongoongoleleí.